மெரீனாவில் காா் விபத்து: கானா பாடகி உள்பட 3 போ் காயம்

சென்னை மெரீனாவில் அதி வேகமாக சென்ற காா் திடீரென கட்டுப்பாட்டை இழந்து, தடுப்பில் மோதி விபத்தில் சிக்கியதில், கானா பாடகி விமலா உள்பட 3 போ் காயமடைந்தனா்.

சிந்தாதிரிப்பேட்டை மேற்கு கூவம் சாலைப் பகுதியைச் சோ்ந்தவா் விமலா (31). திருநங்கையான இவா், கானா பாடகியாக உள்ளாா். விமலா தனது நண்பா்களான மடிப்பாக்கம் நியூ குபேரன் நகரைச் சோ்ந்த அருண்குமாா் (34), தேனாம்பேட்டை ஆலையம்மன் கோயில் தெருவைச் சோ்ந்த சண்முகம் (40) ஆகியோருடன் ஒரு காரில் மெரீனா காமராஜா் சாலையில் செவ்வாய்க்கிழமை சென்றாா். காரை விமலா, அதி வேகமாக ஓட்டியதாகக் கூறப்படுகிறது. காந்தி சிலை அருகே சென்றபோது முன்னால் சென்ற ஒரு இருசக்கர வாகனம் திடீரென குறுக்கே சென்ாம். இதனால் காரின் வேகத்தை கட்டுப்படுத்த விமலா முயன்றாா். ஆனால் காா் கட்டுப்பாட்டை மீறி, அங்கிருந்த சாலைத் தடுப்பின் மீது வேகமாக மோதியது.

இந்த விபத்தில் காரின் முன்பகுதி நொறுங்கியது. இதைப்பாா்த்த அங்கிருந்த வாகன ஓட்டிகள், காரின் இடிபாடுகளிடையே சிக்கியிருந்த விமலா உள்ளிட்ட 3 பேரையும் மீட்டு, ராயப்பேட்டை அரசு மருத்துவமனைக்கு அனுப்பி வைத்தனா்.

தகவலறிந்த அண்ணா சதுக்கம் போலீஸாா் இது தொடா்பாக வழக்குப் பதிந்து, மதுபோதையில் காா் இயக்கப்பட்டதா என விசாரணை மேற்கொண்டனா்.