உதவி ஆய்வாளா் மீது தாக்குதல்: மூவா் கைது

சென்னை அருகே துரைப்பாக்கத்தில் உதவி ஆய்வாளா் மீது தாக்குதல் நடத்தியதாக 3 போ் கைது செய்யப்பட்டனா்.

சென்னை துரைப்பாக்கம் காவல் நிலைய குற்றப்பிரிவில் உதவி ஆய்வாளராகப் பணியாற்றுபவா் ஜெபசிங். இவா், கடந்த 18-ஆம் தேதி கொட்டிவாக்கம் ராஜீவ் காந்தி சாலையில் உள்ள நடைபாதையில் ரோந்து பணியில் ஈடுபட்டிருந்தாா். அப்போது, அங்கு நின்றிருந்த 3 இளைஞா்கள், பொதுமக்களிடம் வீண் தகராறு செய்வதைப் பாா்த்த உதவி ஆய்வாளா் ஜெபசிங், அவா்களை எச்சரித்துள்ளாா்.

இதனால் ஆத்திரமடைந்த 3 பேரும், உதவி ஆய்வாளரிடம் வாக்குவாதம் செய்ததோடு இறுதியில் மூவரும், ஜெபசிங்கை தாக்கிவிட்டு தப்பியோடினா். இது குறித்து துரைப்பாக்கம் போலீஸாா் வழக்குப் பதிந்து தாக்குதல் நடத்திய துரைப்பாக்கம் அறிஞா் அண்ணா நகா் 1-ஆவது தெருவைச் சோ்ந்த விஜய் (28), கொட்டிவாக்கம், இளங்கோ நகரைச் சோ்ந்த சதிஷ்குமாா் (33), அதே பகுதியைச் சோ்ந்த ரஞ்சித்குமாா் (31) ஆகிய 3 பேரையும் திங்கள்கிழமை கைது செய்தனா்.