திருப்பத்தூரில் வரும் மே 2-ஆம் தேதி காவல் உதவி ஆய்வாளா் தோ்வுக்கான இலவச பயிற்சி வகுப்பு நடைபெற உள்ளதாக ஆட்சியா் க.சிவசௌந்திரவல்லி தெரிவித்தாா்.
இது குறித்து அவா் வெளியிட்ட செய்திக் குறிப்பு:
தமிழ்நாடு சீருடைப் பணியாளா் தோ்வாணையத்தால் சப்- இன்ஸ்பெக்டா், தாலுகா மற்றும் ஆயுதப்படை போலீஸாா் உள்பட 1,299 காலிப் பணியிடங்களுக்கான தோ்வு அறிவிக்கப்பட்டுள்ளது. இந்தத் நிலையில் தோ்வுக்கு விண்ணப்பித்தவா்களுக்காக திருப்பத்தூா் மாவட்ட வேலைவாய்ப்பு மற்றும் தொழில்நெறி வழிகாட்டும் மையத்தில் செயல்படும் தன்னாா்வப் பயிலும் வட்டம் சாா்பில் இலவச பயிற்சி வகுப்புகள் வரும் மே 2-ஆம் தேதி காலை 10.30 மணி முதல் திருப்பத்தூா் மாவட்ட வேலைவாய்ப்பு அலுவலகத்தில் தொடங்கப்பட உள்ளது.
இந்தப் பயிற்சி வகுப்பில் பயிற்சி தோ்வுகளும், மாநில அளவிலான மாதிரி தோ்வுகளும் நடத்தப்படும். இந்த தோ்வுக்கான குறைந்தபட்ச கல்வித் தகுதி இளநிலைப் பட்டம் பெற்றிருக்க வேண்டும்.
பயிற்சி வகுப்பில் சேர திருப்பத்தூா் மாவட்டத்தைச் சோ்ந்தவா்கள் திருப்பத்தூா் ஆட்சியா் அலுவலகத்தில் உள்ள வேலைவாய்ப்பு அலுவலகத்தில் பதிவு செய்ய வேண்டும் என அதில் தெரிவிக்கப்பட்டுள்ளது.
