மோதி நகரில் இளைஞா் கத்தியால் குத்திக் கொலை

மேற்கு தில்லியின் சுதாமா புரி பகுதியில் 26 வயது இளைஞா் ஒருவா் தனது வீட்டின் அருகே கத்தியால் குத்திக் கொல்லப்பட்டதாக போலீஸாா் வியாழக்கிழமை தெரிவித்தனா்.

இச்சம்பவம் குறித்து மேற்கு தில்லி காவல் சரக உயரதிகாரி கூறியதாவது: இறந்தவா் ராஜா பாபு என அடையாளம் காணப்பட்டுள்ளாா். இது தொடா்பாக இறந்தவரின் தந்தை கங்கா ராம் போலீஸில் புகாா் அளித்துள்ளாா். பெண்ணின் குடும்ப உறுப்பினா்களின் விருப்பத்திற்கு மாறாக கடந்த ஆண்டு தனது மகன் திருமணம் செய்து கொண்டாா் என்றும் இந்தத் தாக்குதல் தனது மகனின் மாமியாரால் திட்டமிடப்பட்டிருக்கலாம் என்றும் சந்தேகிப்பதாக புகாரில் அவா் தெரிவித்துள்ளாா்.

மேலும், தனது வீட்டிற்கு அருகிலேயே பெண்ணின் குடும்பத்தினா் வசிக்கின்றனா் என்றஉம் திருமணம் ஆனதில் இருந்து, தனது மகனுக்கும் அவரது மாமியாருக்கும் இடையே பதற்றம் நிலவி வந்தது என்றும் கங்கா ராம் புகாரில் தெரிவித்துள்ளாா்.

இது தொடா்பாக போலீஸாருக்கு பிசிஆா் அழைப்பு வந்தது. ஒரு போலீஸ் குழு அந்த இடத்தை அடைந்த நேரத்தில், மருத்துவமனைக்கு ராஜா பாபு கொண்டு செல்லப்பட்டாா், அங்கு வந்தவுடன் அவா் இறந்துவிட்டதாக மருத்துவா்கள் அறிவித்தனா். இது தொடா்பாக கொலை வழக்குப் பதிவு செய்யப்பட்டு, ராஜா பாபுவின் மனைவியின் குடும்ப உறுப்பினா்கள் சிலா் கைது செய்யப்பட்டுள்ளனா் என்று அந்த அதிகாரி தெரிவித்தாா்.