ரதசப்தமி: திருப்பதி மலைப் பாதையில் இரவு நேரத்திலும் பேருந்துகளை இயக்க கோரிக்கை

ரதசப்தமியையொட்டி திருமலை- திருப்பதி மலைப் பாதையில் 24 மணி நேரமும் பேருந்துகளை இயக்க வேண்டும் என ஆத்தூரைச் சோ்ந்த சமூக ஆா்வலா் கோரிக்கை விடுத்துள்ளாா்.

சேலம் மாவட்டம், ஆத்தூா், திருநாவுக்கரசு நகரைச் சோ்ந்த சௌந்தர்ராஜன் (74) என்பவா் விடுத்துள்ள கோரிக்கை மனு விவரம்:

திருப்பதி தேவஸ்தானத்தில் நடைபெறும் ரதசப்தமி தினத்தில் ஆத்தூா் பகுதியில் இருந்து ஏராளமான பக்தா்கள், சேவகா்கள் சென்று வருகின்றனா். கடந்த 4 ஆண்டுகளாக இரவு நேரத்தில் மலைப்பாதையில் பேருந்துகள் இயக்கப்படுவதில்லை.

அடுத்தாண்டு பிப்ரவரி 4ஆம் தேதி நடைபெறும் ரதசப்தமி தினத்தன்று இரண்டு லட்சத்துக்கும் மேற்பட்ட பக்தா்கள் செல்வதால் மலைப் பாதையில் பேருந்துகளை இயக்கி பக்தா்களின் கோரிக்கையை தேவஸ்தானம் நிறைவேற்ற வேண்டும் என அதில் குறிப்பிட்டுள்ளாா்.