ரயிலில் அடிபட்டு மனநலன் பாதித்தவா் பலி

அரியலூா் அருகே செவ்வாய்க்கிழமை ரயிலில் அடிபட்டு மனநலன் பாதிக்கப்பட்டவா் உயிரிழந்தாா்.

அரியலூா் அருகேயுள்ள பொட்டவெளி, நடுத் தெருவைச் சோ்ந்தவா் பாலகிருஷ்ணன் மகன் சரவணன் (40). சற்று மனநலன் பாதிக்கப்பட்ட இவா், செவ்வாய்க்கிழமை வெள்ளூா் ரயில் நிலையம் அருகே மூடப்பட்டிருந்த கேட்டை கடந்து சென்ற போது, நிஜாமுதீன் சென்ற விரைவு ரயில் மோதி சம்பவ இடத்திலேயே உயிரிழந்தாா்.

இதுகுறித்து தகவலறிந்து சம்பவ இடத்துக்கு வந்த விருத்தாசலம் ரயில்வே காவல் துறையினா், சடலத்தை மீட்டு அரியலூா் அரசு மருத்துவமனைக்கு அனுப்பி வைத்து வழக்குப் பதிந்து விசாரிக்கின்றனா்.