ரேஷன்கடை மேற்கூரை பூச்சு இடிந்து விழுந்து உதவியாளா் காயம்

தரங்கம்பாடி: செம்பனாா்கோவில் அருகே ரேஷன்கடை மேற்கூரை பூச்சு இடிந்து விழுந்ததில் உதவியாளா் திங்கள்கிழமை காயமடைந்தாா்.

செம்பனாா்கோவில் அருகே பொன்செய் கிராமத்தில் உள்ள ரேஷன்கடையில் விற்பனையாளராக சித்ராவும், உதவியாளராக சவுரிராஜனும் (62) பணியாற்றுகின்றனா். திங்கள்கிழமை வழக்கம்போல ரேஷன் கடை செயல்பட்டுகொண்டிருந்தது.

அப்போது, கட்டடத்தின் மேற்கூரை சிமென்ட் பூச்சு இடிந்து விழுந்தது. இதில், காயமடைந்த உதவியாளா் சவுரிராஜனை அருகில் இருந்தவா்கள் மீட்டு மயலாடுதுறை அரசு மருத்துவ மனைக்கு அனுப்பிவைத்தனா். இதுகுறித்து, செம்பனாா்கோவில் போலீஸாா் விசாரித்து வருகின்றனா்.