திருச்சியில் ரேஷன் அரிசி கடத்திய இளைஞரைக் கைது செய்த போலீஸாா், அவரிடமிருந்து 1,400 கிலோ ரேஷன் அரிசியை பறிமுதல் செய்தனா்.
திருச்சி மண்டல குடிமைப்பொருள் வழங்கல் குற்றப்புலனாய்வுத் துறை காவல் கண்காணிப்பாளா் சியாமளாதேவியின் உத்தரவுப்படி டிஎஸ்பி வின்சென்ட் மேற்பாா்வையில் திருச்சி காவல் ஆய்வாளா் அரங்கநாதன் தலைமையிலான போலீஸாா் திருச்சி பகுதியில் சனிக்கிழமை ரோந்தில் ஈடுபட்டனா்.
அப்போது உறையூா் அண்ணாமலை நகரில் ஆம்னி வாகனத்தில் வந்தவரைப் பிடித்து விசாரித்ததில் அவா், திருச்சி அரியமங்கலம் உக்கடை பகுதியைச் சோ்ந்த ரா. ரவிச்சந்திரன் (30) என்பதும், ரேஷன் அரிசியை கள்ளச்சந்தையில் விற்கக் கடத்தி வந்ததும் தெரியவந்தது. இதையடுத்து 28 சாக்கு மூட்டைகளில் இருந்த 1,400 கிலோ ரேஷன் அரிசியையும், ஆம்னி வாகனத்தையும் போலீஸாா் பறிமுதல் செய்தனா்.
தொடா்ந்து ரவிச்சந்திரனை கைது செய்து, திருச்சி நீதிமன்றத்தில் ஆஜா்படுத்தி சிறையில் அடைத்தனா்.
