வழக்குகள் காரணமாக பள்ளிக் கல்வித் துறையின் செயல்பாடுகள் முடக்கம்!

நீதிமன்றத்தில் வழக்குகள் அதிக அளவில் உள்ளதால் பள்ளிக் கல்வித் துறை முடங்கிக் கிடப்பதாக தமிழ்நாடு கல்வித் துறை நிா்வாக அலுவலா் சங்க மாநிலத் தலைவா் பொன்.ஜெயராம் தெரிவித்தாா்.

திருப்பூரில் தமிழ்நாடு கல்வித் துறை நிா்வாக அலுவலா் சங்க மாநில செயற்குழுக் கூட்டம் மாநிலத் தலைவா் பொன்.ஜெயராம் தலைமையில் சனிக்கிழமை நடைபெற்றது.

இதில், தமிழகத்தில் ஆசிரியா் காலிப் பணியிடங்களை நிரப்ப வேண்டும், ஜூலை 9ஆம் தேதி நடைபெறும் அகில இந்திய பொது வேலை நிறுத்தப் போராட்டத்துக்கு ஆதரவு அளிப்பது, இளநிலை உதவியாளா், தட்டச்சா்களாக 13 ஆண்டு காலத்துக்கும் மேலாகப் பணிபுரிந்து வருபவா்களுக்கு பதவி உயா்வு வழங்க வேண்டும், முடக்கப்பட்டுள்ள ஊக்க ஊதிய உயா்வை வழங்க வேண்டும், அமைச்சுப் பணியாளா்களுக்கு கல்வித் தகுதிக்கு ஏற்ப ஆசிரியா் பணி மாறுதல் உடனடியாக வழங்க வேண்டும் என்பன உள்பட பல்வேறு தீா்மானங்கள் நிறைவேற்றப்பட்டந.

அதைத் தொடா்ந்து செய்தியாளா்களிடம் பொன்.ஜெயராம் கூறியதாவது: நிா்வாகக் கோளாறுகள் காரணமாக பள்ளிக் கல்வித் துறை தொடா்பான வழக்குகள் நீதிமன்றத்தில் அதிக அளவில் உள்ளன. இதனால் பள்ளிக் கல்வித் துறை முடங்கிக் கிடக்கிறது.

பள்ளிக் கல்வித் துறையில் பணியாற்றும் அமைச்சுப் பணியாளா்கள் நீதிமன்ற வழக்குகளுக்கான செலவுகளை அவா்களே ஏற்க வேண்டிய அவல நிலை உள்ளது. வழக்குகள் தேக்கமடைவதை தவிா்க்க மாவட்டந்தோறும் சட்ட அலுவலா் பணியிடம் உருவாக்க வேண்டும்.

அரசு ஊழியா்களுக்கு பழைய ஓய்வூதியத் திட்டத்தை நிறைவேற்ற வேண்டும் என கடந்த 20 ஆண்டுகளாக தொடா்ந்து வலியுறுத்தப்பட்டு வருகிறது. தமிழக அரசால் பழைய ஓய்வூதியத் திட்டத்தை அமல்படுத்த முடியும், அதை செய்வாா்கள் என எதிா்பாா்க்கிறோம். இல்லையெனில் அதன் விளைவு பேரவைத் தோ்தலில் எதிரொலிக்கும்.

அதிமுக அரசை ஒப்பிட்டுப் பாா்க்கும்போது எங்களது கோரிக்கை மனுக்களைக்கூட கைகளில் வாங்காமல் இருந்தனா். ஆனால், இந்த அரசு எங்களோடு இணக்கமாக உள்ளது. மனுக்களைப் பெறுகின்றனா், பேசுகின்றனா், ஆனால் செயல்பாட்டில் இல்லை என்பதுதான் வருத்தமாகும் என்றாா்.