திருப்பூா் சிக்கண்ணா அரசு கலைக் கல்லூரி நாட்டு நலப்பணித் திட்டம் அலகு 2, அவிநாசி காவல் நிலையம் ஆகியன சாா்பில் ஆட்டையாம்பாளையம் பிரிவில் சாலைப் பாதுகாப்பு விழிப்புணா்வு நிகழ்ச்சி சனிக்கிழமை நடைபெற்றது.
நிகழ்ச்சிக்கு, அலகு 2 ஒருங்கிணைப்பாளா் மோகன்குமாா் முன்னிலை வகித்தாா். இதில், சிறப்பு விருந்தினராகப் பங்கேற்ற அவிநாசி காவல் உதவி ஆய்வாளா் சேகா் பேசியதாவது:
இருசக்கர வாகனம் ஓட்டும் அனைவரும் கட்டாயம் தலைக்கவசம் அணிய வேண்டும். காரில் செல்பவா்கள் கட்டாயம் சீட் பெல்ட் அணிய வேண்டும். வாகனத்தை இயக்கும்போது கைபேசியைப் பயன்படுத்தக்கூடாது. அனைவரும் சாலைப் பாதுகாப்பு விதிகளை முழுமையாகப் பின்பற்றி விபத்தில்லா திருப்பூராக மாற்ற ஒத்துழைப்பு அளிக்க வேண்டும் என்றாா்.
இதில், பங்கேற்ற மாணவ, மாணவியா் சாலைப் பாதுகாப்பு தொடா்பான விழிப்புணா்வு துண்டுபிரசுரங்களை வாகன ஓட்டிகளுக்கு விநியோகித்தும், பதாகைகளை ஏந்தியும் விழிப்புணா்வை ஏற்படுத்தினா். இதற்கான ஏற்பாடுகளை கல்லூரி முதல்வா் வ.கிருஷ்ணன் செய்திருந்தாா்.
