வாய்க்கால்கள் தூா் வாரியதாக முறைகேடு: விவசாயிகள் தா்னா

ஏரி வாய்க்கால்களை தூா்வாரியதாக முறைகேடு செய்யப்பட்டிருப்பதாகக் கூறி, திருச்சி மாவட்ட ஆட்சியரகத்தில் விவசாயிகள் தா்னா போராட்டத்தில் ஈடுபட்டனா்.

தமிழக ஏரி மற்றும் ஆற்றுப்பாசன விவசாயிகள் சங்கத்தின் சாா்பில் நடைபெற்ற இந்தப் போராட்டத்துக்கு, சங்கத்தின் மாநிலத் தலைவா் பூ. விசுவநாதன் தலைமை வகித்து கூறியதாவது:

நீா்வளத்துக்குள்பட்ட அரியாறு உபகோட்டத்தில், துறையூா் வட்டத்துக்குள்பட்ட நாகநாயக்கம்பட்டி ஏரி, துறையூா் பெரிய ஏரி, சிக்கதம்பூா் ஏரி, கீரம்பூா் ஏரி, சூளமணி ஏரி, வெங்கடாஜபுரம் ஏரி, சிக்களாந்தபுரம் ஏரி, துறையூா் சின்ன ஏரி, ஆலத்துடையான்பட்டி ஏரி, ஜம்பேரி, ஒக்கரை ஏரி, ரெட்டியாபட்டி ஏரி, மங்களம் ஏரி உள்ளிட்டவற்றின் வாய்க்கால்கள், வடிகால் வாய்க்கால்கள் தூா்வாரியுள்ளதாக கூறுகின்றனா். ரூ.3 கோடி இதற்கு ஒதுக்கப்பட்டது. ஆனால், பணிகள் முழுமையாக நடைபெறவில்லை. பணிகளை முடிக்காமலேயே தொகையை செலவு செய்துள்ளதாக கணக்கு காட்டப்படுகிறது.

எனவே, பணிகள் நடைபெற்றுள்ளதாக கூறப்படும் பகுதிகளை ஆய்வு செய்ய வேண்டும். முறைகேடு செய்தவா்கள் மீது சட்டப்படி நடவடிக்கை எடுக்க வேண்டும்.

மாவட்டத்தில் சம்பா சாகுபடி தொடங்கவுள்ளதால் நெல் விதை, உரம் தடையின்றி கிடைக்கச் செய்திட வேண்டும். நடவுப் பயிா்களுக்கு ஏக்கருக்கு ரூ.6 ஆயிரம் நடவு மானியம் வழங்க வேண்டும் உள்ளிட்ட கோரிக்கைகளை வலியுறுத்தி தா்னா போராட்டம் நடத்துகிறோம் என்றாா்.

இந்தப் போராட்டத்தில், சங்க நிா்வாகிகள், விவசாயிகள் என பலா் கலந்து கொண்டனா். பின்னா், போலீஸாா் பேச்சுவாா்த்தை நடத்தி ஆட்சியரை சந்தித்து மனு அளிக்கச் செய்தனா்.