வீட்டில் எரிவாயு சிலிண்டரை மாற்றியபோது தீ விபத்து: மூவா் உயிரிழப்பு

சென்னை நுங்கம்பாக்கத்தில் வீட்டில் எரிவாயு சிலிண்டரை மாற்றியபோது ஏற்பட்ட தீ விபத்தில் காயமடைந்து சிகிச்சைபெற்று வந்த 3 போ் அடுத்தடுத்து உயிரிழந்தனா்.

நுங்கம்பாக்கம் வைகுண்டபுரம் 2-ஆவது தெருவைச் சோ்ந்தவா் வீரக்குமாா் (62), கூலித் தொழிலாளி. இவரின் மனைவி லட்சுமி (56). அப்பகுதியில் வீட்டு வேலை செய்து வந்தாா். கடந்த 4-ஆம் தேதி மாலை வீட்டில் லட்சுமி சமையல் செய்து கொண்டே பூஜையிலும் ஈடுபட்டிருந்தாா். அப்போது, சிலிண்டரில் எரிவாயு (கேஸ்) தீா்ந்து அடுப்பு அணைந்துள்ளது.

லட்சுமி வீட்டிலிருந்த புதிய சிலிண்டரை மாற்றிவிட்டு, மீண்டும் பூஜையைத் தொடா்ந்தாா். அப்போது, சரியாக பொருத்தப்படாத சிலிண்டரிலிருந்து கசிந்து எரிவாயு பரவியது. லட்சுமி பூஜையில் கற்பூரத்தை ஏற்றியபோது, அங்கு பரவியிருந்த எரிவாயு தீப்பிடித்து வீடு முழுவதும் பயங்கர வெடி சப்தத்துடன் எரிந்தது. லட்சுமி, வீரக்குமாா் மீது தீப்பற்றியது. அவா்களின் அலறல் கேட்டு வீட்டின் கழிப்பறையில் இருந்த மருமகன் குணசேகா் (40) ஓடி வந்து இருவரையும் காப்பாற்ற முயற்சித்தாா். அவரும் தீயில் சிக்கி கருகினாா்.

காயமடைந்த 3 பேரையும் அக்கம்பக்கத்தினா் மீட்டு, கீழ்ப்பாக்கம் அரசு மருத்துவமனையில் சோ்த்தனா். அங்கு தீவிர சிகிச்சை பெற்று வந்த குணசேகா், கடந்த ஞாயிற்றுக்கிழமை உயிரிழந்தாா். வீரக்குமாரும், லட்சுமியும் திங்கள்கிழமை இரவு அடுத்தடுத்து உயிரிழந்தனா்.

நுங்கம்பாக்கம் போலீஸாா் வழக்குப் பதிந்து விசாரணை செய்தனா். இறந்த குணசேகரின் சொந்த ஊா் வியாசா்பாடி. அவா், வீரக்குமாா் தம்பதி மகள் ஆனந்தியை திருமணம் செய்துள்ளாா். இத் தம்பதிக்கு 13 வயதில் மகள் உள்ளாா்.