சாதனை படைத்த தமிழன்..! ஐபிஎல் வரலாற்றில் இடம் பிடித்த சாய் சுதர்சன்!
வெங்காடு பகுதியில் தனியாா் நிறுவனம் ஆக்கிரமிப்பு செய்துள்ள அரசு இடத்தை மீட்க வேண்டும் என ஜமாபந்தியில் வெங்காடு ஊராட்சி மன்றத் தலைவா் அன்னக்கிளி உலகாநதன் மனு வழங்கினாா்.
ஸ்ரீபெரும்புதூா் வட்டாட்சியா் அலுவலகத்தில் கடந்த 21-ஆம் தேதி முதல் ஜமாபந்திநடைபெற்று வருகிறது. ஸ்ரீபெரும்புதூா் குறுவட்டத்திற்குட்பட்ட கிராமங்களுக்கு புதன்கிழமை நடைபெற்ற ஜமாபந்தியில் வெங்காடு ஊராட்சி மன்றத் தலைவா் அன்னக்கிளிஉலகநாதன் கலந்து கொண்டு மாவட்ட வருவாய் அலுவலா் வெங்கடேஷிடம் கோரிக்கை மனு வழங்கினாா்.
அந்த மனுவில் கூறியுள்ளதாவது:, வெங்காடு ஊராட்சிக்குட்பட்ட சா்வே எண் 298ல் சுமாா் 3 ஏக்கா் பரப்பளவு உள்ள அரசு மேய்க்கால் புறம்போக்கு இடத்தை அதே பகுதியில் இயங்கி வரும் வாகன உதிரிபாகங்கள் உற்பத்தி செய்யும் தனியாா் நிறுவனம் ஆக்கிரமிப்பு செய்து சுற்றுசுவா் அமைத்துள்ளதாகவும், அரசு இடத்தை ஆக்கிரமிப்பு செய்து சுற்றுசுவா் அமைத்துள்ள தனியாா் நிறுவனத்தின் மீது நடவடிக்கை எடுக்கவும், அரசு இடத்தை மீட்டு வெங்காடு ஊராட்சியில் வளா்ச்சிப்பணிகள் மேற்கொள்ள நடவடிக்கை எடுக்க வேண்டும், அதே போல் சா்வே எண் 268-இல் உள்ள ஊரணி குளத்தை சுற்றிலும் உள்ள ஆக்கிரமிப்புகளை அகற்ற வேண்டும் என கோரிக்கை விடுத்துள்ளாா்.
