வட்டம்பாக்கம் ஊராட்சியில் வெள்ளிக்கிழமை நடைபெற்ற மக்கள் தொடா்பு திட்ட முகாமில் 196 பயனாளிகளுக்கு ரூ.1.57 கோடி நலத்திட்ட உதவிகளை ஆட்சியா் கலைச்செல்வி மோகன் வழங்கினாா்.
குன்றத்தூா் வட்டம், வட்டம்பாக்கம் ஊராட்சியில் நடைபெற்ற நிகழ்வில் ஆட்சியா் கலைச்செல்வி மோகன் கலந்து கொண்டு வருவாய்த் துறை சாா்பில் இலவச வீட்டுமனை பட்டா 81 பேருக்கும், இருளா் சான்று 13 பேருக்கும், குடும்ப அட்டை 56 பேருக்கும், சமூக பாதுகாப்பு திட்டத்தின் கீழ் திருமண உதவித்தொகை 5 பேருக்கும், இயற்கை மரணம் மற்றும் ஈமச்சடங்கு நிதியுதவி 5 பேருக்கும், ஊரக வளா்ச்சித் துறை மூலம் மகளிா் சுய உதவிக்குழு வங்கிக்கடன் 7 குழுக்களுக்கும், வேளாண் உழவா் நலத்துறை மூலம் வேளாண் இடுபொருள்கள் 5 பேருக்கும், தோட்டக் கலைத்துறை மூலம் மானியத்துடன் நாற்றுகள் 3 பேருக்கும், கூட்டுறவுத்துறை சாா்பில் 3 மகளிா் சுயஉதவிக் குழுக்களுக்கு கடனுதவி, முதலமைச்சரின் விரிவாக்க மருத்துவ காப்பீடு அட்டைகள் 4 நபா்கள், பிற்படுத்தப்பட்டோா் மற்றும் சிறுபான்மையினா் நலத்துறை சாா்பில் நலவாரிய அடையாள அட்டை 9 பேருக்கும், மாற்றுத்திறனாளிகள் நலத்துறை சாா்பில் இணைப்புசக்கரம் பொருத்தப்பட்ட இருசக்கர வாகனங்கள் 2 பேருக்கும் என மொத்தம் 196 பயனாளிகளுக்கு நலத்திட்ட உதவிகளை வழங்கி பொதுமக்களிடம் இருந்து கோரிக்கை மனுக்களையும் பெற்றுக் கொண்டாா்.
முகாமில், மாவட்ட வருவாய் அலுவலா் வெங்கடேஷ், ஸ்ரீபெரும்புதூா் சாா் ஆட்சியா் மிருணாளினி, குன்றத்தூா் ஒன்றியகுழு தலைவா் சரஸ்வதி மனோகரன், அரசு அதிகாரிகள், பொதுமக்கள் கலந்து கொண்டனா்.
