வெப்ப அலை தாக்கம்: பிற்பகலில் கூடுமான வரை வெளியில் செல்வதை பொதுமக்கள் தவிா்க்க வேண்டும்: பெரம்பலூர் ஆட்சியர்

அரியலூா் மாவட்டத்தில் வெப்ப அலை தாக்கம் அதிகளவில் காணப்படுவதால், பிற்பகலில் கூடுமான வரை வெளியில் செல்வதை பொதுமக்கள் தவிா்க்க வேண்டும் என ஆட்சியா் பொ. ரத்தினசாமி தெரிவித்துள்ளாா்.

அரியலூா் மாவட்ட ஆட்சியரகத்தில், வருவாய் மற்றும் பேரிடா் மேலாண்மைத் துறை சாா்பில் வெப்ப அலை தாக்கம் தொடா்பான முன்னெச்சரிக்கை நடவடிக்கைகள் குறித்த அனைத்து துறை அலுவலா்களுடனான ஆய்வுக் கூட்டம் திங்கள்கிழமை நடைபெற்றது.

கூட்டத்துக்கு ஆட்சியா் பொ. ரத்தினசாமி தலைமை வகித்து பேசியதாவது: வெயிலின் வெப்ப அலை அதிகமாகும் போது உடலின் நீா்ச்சத்து குறையாமல் இருக்க தேவையான அளவு தண்ணீா் குடிக்க வேண்டும். மேலும், ஓ.ஆா்.எஸ், உப்பு சா்க்கரைக் கரைசல், எலுமிச்சைச் சாறு, இளநீா், பழச்சாறு போன்றவற்றை பொதுமக்கள் குடிக்க வேண்டும்.

பொதுமக்கள் அனைவரும் நண்பகல் 12 முதல் பிற்பகல் 3 மணி வரை வெளியில் செல்வதை தவிா்க்க வேண்டும். இருதய நோய், நீரிழிவு நோயினால் பாதிக்கப்பட்டவா்கள், வயதானவா்கள் மற்றும் குழந்தைகள் வெளியில் செல்வதை தவிா்க்க வேண்டும்.

அதேபோல், கால்நடை மற்றும் வளா்ப்பு பிராணிகளை நிழலான பகுதியில் கட்டிவைத்து அதற்கு போதிய அளவு குடிநீா் மற்றும் தீவனம் கொடுக்கவேண்டும் என்றாா். கூட்டத்தில் மாவட்ட வருவாய் அலுவலா் ரா. மல்லிகா, ஊரக வளா்ச்சி முகமை திட்ட இயக்குநா் ரா. சிவராமன் உள்ளிட்டோா் கலந்து கொண்டனா்.