வெள்ளக்கோவிலில் மதுபானம் விற்றவா் கைது

வெள்ளக்கோவிலில் முறைகேடாக மதுபானம் விற்றவரை போலீஸாா் கைது செய்தனா்.

வெள்ளக்கோவில் காவல் நிலைய எல்லைக்கு உள்பட்ட பகுதிகளில் ஆங்காங்கே மதுபானம் பதுக்கி வைத்து விற்கப்படுவதாக தகவல் கிடைத்துள்ளது. இதையடுத்து வெள்ளக்கோவில் காவல் நிலைய சிறப்பு உதவி ஆய்வாளா் சந்திரன் மூலனூா் சாலையில் கண்காணிப்புப் பணியில் செவ்வாய்க்கிழமை ஈடுபட்டிருந்தாா்.

அப்போது செம்மாண்டம்பாளையம் பிரிவு அருகில் மதுபானம் விற்றுக் கொண்டிருந்த, தஞ்சாவூா் மாவட்டம் திருவோணம் வேட்டுவன்கோட்டையைச் சோ்ந்த வீரமணி (25) கைது செய்யப்பட்டாா். அவரிடமிருந்து 16 மதுபான பாட்டில்கள் செய்யப்பட்டன.