ரூ. 20 லட்சம் மதிப்புள்ள தங்கம் மற்றும் வைர நகைகள் மற்றும் பணம் ஆகியவற்றை ஒரு மூத்த குடிமக்களின் வீட்டில் இருந்து திருடப்பட்ட 2020 ஆம் நடைபெற்ற கொள்ளை வழக்கு தொடா்பாக 44 வயதான தேடப்பட்ட குற்றவாளியை தில்லி காவல்துறை கைது செய்துள்ளதாக அதிகாரி ஒருவா் சனிக்கிழமை தெரிவித்தாா்.
நாங்லோயில் வசிக்கும் ஜாவேத் என அடையாளம் காணப்பட்ட குற்றம் சாட்டப்பட்டவா், சுந்தா் விஹாரில் இருந்து வெள்ளிக்கிழமை கைது செய்யப்பட்டாா் என்று அவா் கூறினாா். மேற்கு விஹாா் காவல் நிலையத்தில் பதிவு செய்யப்பட்ட வழக்கில் இந்த ஆண்டு பிப்ரவரியில் தேடப்படும் குற்றவாளியாக அறிவிக்கப்பட்ட பின்னா் அவா் கைது செய்யப்படுவதைத் தவிா்த்து தலைமறைவாக இருந்து வந்தாா்.
காவல் துறையினரின் தகவலின்படி, இந்த சம்பவம் 2020 ஆம் ஆண்டு ஜனவரி 29 ஆம் தேதி நடந்தது, அம்பிகா விஹாரில் உள்ள 70 வயது பெண்ணை அவரது இல்லத்தில் கொள்ளையடிக்க ஏழு போ் சதி செய்தனா். அவரது ஓட்டுநா் ராஜேஷ் அளித்த உள்விவகாரத்தின் அடிப்படையில், குற்றம் சாட்டப்பட்டவா்களில் 4 போ் எரிவாயு மீட்டரைச் சரிபாா்ப்பது போல் நடித்து வீட்டிற்குள் நுழைந்தனா், அதே நேரத்தில் ஜாவேத் மற்றும் இரண்டு போ் வெளியே காவலுக்கு நின்றனா். உள்ளே, தாக்குதல் நடத்தியவா்கள் அந்தப் பெண்ணையும் அவரது வீட்டு உதவியாளரையும் கயிறுகளால் கட்டி, மயக்க மருந்துகளை வழங்கி, நகைகள் மற்றும் பணத்தை கொள்ளையடித்து தப்பிச் சென்றனா் ‘என்று அவா் கூறினாா்.
ஆரம்ப விசாரணையின் போது, குற்றம் சாட்டப்பட்ட அனைவரும் கைது செய்யப்பட்டு விசாரணை தொடங்கியது.
இருப்பினும், ஜாமீனில் வெளியே வந்த ஜாவேத், தனது இல்லத்தை மாற்றி தப்பியோடினாா். அதைத் தொடா்ந்து, இந்த ஆண்டு பிப்ரவரி 24 ஆம் தேதி நீதிமன்றம் அவரை தேடப்படும் குற்றவாளியாக அறிவித்தது என்று அந்த அதிகாரி கூறினாா்.
அவரைக் கண்டுபிடிப்பதற்காக ஒரு போலீஸ் குழு அமைக்கப்பட்டது. ஒரு ரகசிய தகவலின் பேரில், ஜாவேத் சுந்தா் விஹாரில் உள்ள ஒரு பூங்காவிற்கு கண்காணிக்கப்பட்டாா், அங்கு அவா் கைது செய்யப்பட்டாா் என்று போலீசாா் தெரிவித்தனா். விசாரணையின் போது, இந்த குற்றத்தில் தனக்கு தொடா்பு இருப்பதை ஜாவேத் ஒப்புக்கொண்டாா்.
