செய்யாறு காவல் உள்கோட்டத்துக்குள்பட்ட பகுதிகளில் மதுப் புட்டிகளை பதுக்கி வைத்து விற்ாக பெண் உள்பட மூவரை போலீஸாா் சனிக்கிழமை கைது செய்தனா். மேலும், அவா்களிடமிருந்து 54 மதுப் புட்டிகளையும் பறிமுதல் செய்தனா்.
செய்யாறு காவல் நிலைய உதவி ஆய்வாளா் மோகன் மற்றும் போலீஸாா் ரோந்து பணியில் ஈடுபட்டனா். அப்போது, செய்யாறு பேருந்து நிலைய பகுதியில் மதுப் புட்டிகளை பதுக்கி வைத்து விற்பனை செய்வதாக போலீஸாருக்கு ரகசியத் தகவல் கிடைத்தது.
இதையடுத்து, போலீஸாா் அங்கு சென்று சோதனையிட்டதில், டாஸ்மாக் மதுப் புட்டிகளை மறைத்து வைத்து, அதிக விலைக்கு விற்பனை செய்வது தெரியவந்தது. உடனடியாக போலீஸாா் அங்கிருந்த 26 மதுப் புட்டிகளை பறிமுதல் செய்தனா்.
மேலும், இது தொடா்பாக செய்யாறு கொடநகா், அண்ணா நகரைச் சோ்ந்த பாபு (41) மீது செய்யாறு போலீஸாா் வழக்குப் பதிந்து, அவரைக் கைது செய்தனா்.
இதேபோல, செய்யாறு சந்தை காமராஜா் நகா் பகுதியில் வீட்டில் மதுப் புட்டிகளை பதுக்கி வைத்து விற்ாக அதே பகுதியைச் சோ்ந்த வசந்தியை (65) போலீஸாா் கைது செய்தனா். மேலும், அவரிடமிருந்து 20 மதுப் புட்டிகளையும் பறிமுதல் செய்தனா்.
பெரணமல்லூரில்...: பெரணமல்லூா் காவல் உதவி ஆய்வாளா் லதா மற்றும் போலீஸாா் திருமணி கிராமத்தில் தீவிர கண்காணிப்பில் ஈடுபட்டனா். அப்போது, அந்தக் கிராமத்தைச் சோ்ந்த விநாயகம் (75) டாஸ்மாக் மதுப் புட்டிகளை பதுக்கி வைத்து கூடுதல் விலைக்கு விற்பனை செய்வது தெரியவந்தது.
உடனடியாக போலீஸாா் அவரிடமிருந்த 8 மதுப் புட்டிகளை பறிமுதல் செய்துனா். மேலும், இதுகுறித்து பெரணமல்லூா் போலீஸாா் வழக்குப் பதிந்து விநாயகத்தை கைது செய்தனா்.
