8 வீடுகளில் நகை, பணம் திருட்டு

வந்தவாசி அருகே ஒரே இரவில் 8 வீடுகளில் மொத்தம் 6 பவுன் தங்க நகை, ரூ.38 ஆயிரம் ரொக்கம் உள்ளிட்டவை திருடப்பட்டது தொடா்பாக போலீஸாா் விசாரணை நடத்தி வருகின்றனா்.

வந்தவாசியை அடுத்த எறும்பூா் கிராமத்தைச் சோ்ந்தவா் பெருமாள். இவா் வியாழக்கிழமை இரவு வீட்டை பூட்டிவிட்டு குடும்பத்துடன் மாடியில் தூங்கினாா்.

நள்ளிரவில் பூட்டை உடைத்து வீட்டினுள் நுழைந்த மா்ம நபா்கள் 5 பவுன் தங்க நகைகள், ரூ.10 ஆயிரம் ரொக்கம் மற்றும் வெள்ளிப் பொருள்களை திருடியுள்ளனா்.

இதேபோல, வீட்டை பூட்டிவிட்டு மாடியில் தூங்கிக் கொண்டிருந்த சாந்தி என்பவரது வீட்டின் பூட்டை உடைத்து ரூ.20 ஆயிரம் ரொக்கத்தை திருடியுள்ளனா்.

மேலும், வெளியூா் சென்றிருந்த இதே கிராமத்தைச் சோ்ந்த 6 பேரின் வீடுகளின் பூட்டை உடைத்து மொத்தம் ஒரு பவுன் தங்க நகை, ரூ.8 ஆயிரம் ரொக்கம் ஆகியவற்றை திருடியுள்ளனா்.

இதுகுறித்து வடவணக்கம்பாடி போலீஸாா் விசாரணை மேற்கொண்டுள்ளனா்.