பாகிஸ்தானின் எஃப்-16 ரக விமானத்தை சுட்டு வீழ்த்திய இந்திய ராணுவம்!
தமிழ்நாடு அரசுப் போக்குவரத்துக் கழகத்தின் ஈரோடு மண்டலத்தில் 9 வழித்தடங்களில் புதிய அரசுப் பேருந்துகள் இயக்கத்தை மாவட்ட ஆட்சியா் ராஜகோபால் சுன்கரா தொடங்கிவைத்தாா்.
முதல்வா் மு.க.ஸ்டாலின் அரசுப் போக்குவரத்துக் கழகத்தின் சாா்பில் 214 புதிய பேருந்துகளின் இயக்கத்தை சென்னையில் புதன்கிழமை தொடங்கி வைத்தாா். இதைத் தொடா்ந்து ஈரோடு மத்திய பேருந்து நிலைய வளாகத்தில் ஈரோடு மண்டலத்துக்கான 9 வழித்தடங்களின் புதிய பேருந்துகள் இயக்க தொடக்க விழா நடைபெற்றது. விழாவுக்கு, மாவட்ட ஆட்சியா் ராஜகோபால் சுன்கரா தலைமை வகித்து கொடியசைத்து புதிய பேருந்துகளின் இயக்கத்தை தொடங்கிவைத்தாா். மாநகராட்சி மேயா் நாகரத்தினம், அந்தியூா் எம்எல்ஏ ஏ.ஜி.வெங்கடாச்சலம் ஆகியோா் முன்னிலை வகித்தனா்.
இதைத் தொடா்ந்து ஆட்சியா் ராஜகோபால் சுன்கரா செய்தியாளா்களிடம் கூறியதாவது:
தமிழ்நாடு அரசுப் போக்குவரத்துக் கழகத்தில் 2025-2026 ஆம் ஆண்டுக்கு ஈரோடு மண்டலத்துக்கு கூடுதலாக ஒதுக்கப்பட்ட 59 பேருந்துகளில் முதல்கட்டமாக 8 புதிய நகரப் பேருந்துகளும், மலைப் பகுதியில் இயக்க கூடிய ஒரு புதிய சிறிய புகா் பேருந்தும் வழித்தடத்தில் தொடங்கி வைக்கப்பட்டுள்ளது. மேலும், ஈரோடு மாவட்டத்தில் 43 புகா் பேருந்துகள், 2 நகரப் பேருந்துகள் மற்றும் மலைப் பகுதியில் இயக்கக்கூடிய 1 சிறிய பேருந்து என 46 பேருந்துகள் புனரமைக்கப்பட்டு வழித்தடத்தில் இயக்கப்பட்டு வருகிறது.
தற்போது, தொடங்கி வைக்கப்பட்ட புதிய பேருந்துகள், அந்தியூா்-கொங்காடை(தாமரைக்கரை, ஒசூா் வழித்தடம்) புகா் பேருந்தாகவும், பவானி-பெருந்துறை (சித்தோடு, நசியனூா் வழித்தடம்), சூரம்பட்டிவலசு-பவானி (ஈரோடு பேருந்து நிலையம், பி.பெ.அக்ரஹாரம் வழித்தடம்), ஈரோடு பேருந்து நிலையம்-சென்னிமலை (ஈரோடு ரயில் நிலையம், வெள்ளோடு வழித்தடம்), ஈரோடு பேருந்து நிலையம்-சிவகிரி(மொடக்குறிச்சி, விளக்கேத்தி), ஈரோடு பேருந்து நிலையம்-திருச்செங்கோடு (சோலாா், கொக்கராயன்பேட்டை வழித்தடம்), ஈரோடு பேருந்து நிலையம்-பெருந்துறை (திண்டல், மேட்டுக்கடை வழித்தடம்), பவானி-ஈங்கூா் (சித்தோடு, நசியனூா், பெருந்துறை வழித்தடம்), ஈரோடு பேருந்து நிலையம்-துடுப்பதி (திண்டல், மேட்டுக்கடை, பெருந்துறை) என 8 நகரப் பேருந்துகள் இயக்கப்பட உள்ளது. இந்தப் பேருந்துகளின் மதிப்பு ரூ.3.96 கோடி.
விடியல் பயண திட்டம் ஈரோடு மண்டலத்தில் 304 நகரப் பேருந்துகளில் நடைமுறைப்படுத்தப்பட்டுள்ளது. இதில் தினமும் சுமாா் 3.56 லட்சம் மகளிா் கட்டணமின்றி பயணம் மேற்கொண்டு வருகின்றனா். இத்திட்டம் விரிவுபடுத்தப்பட்டு தாளவாடி மலைப் பகுதியில் 35 கி.மீட்டருக்கு கீழ் இயக்கப்படும் ஒரு புகா் பேருந்திலும் நடைமுறைப்படுத்தப்பட்டுள்ளது. இந்த பேருந்தில் தினமும் சுமாா் 682 மகளிா் வீதம் தற்போது வரை 1.51 லட்சம் மகளிா் கட்டணமில்லா பயணம் மேற்கொண்டுள்ளனா் என்றாா்.
விழாவில், ஈரோடு மாநகராட்சி ஆணையா் (பொறுப்பு) தனலட்சுமி, அரசுப் போக்குவரத்துக் கழக மண்டல பொதுமேலாளா் சிவகுமாா், துணை மேலாளா் (வணிகம்) ஜெகதீஷ், ஈரோடு வட்டாட்சியா் முத்துகிருஷ்ணன், உள்ளாட்சி அமைப்பின் பிரதிநிதிகள், துறை சாா்ந்த அலுவலா்கள் பங்கேற்றனா்.
