BB Tamil 8: ``நான் பண்ணின தப்பு ப்ரெண்ட்ஷிப் வச்சுகிட்டதுதான்" - ஜாக்குலின் சௌந்தர்யா விரிசல்

பிக் பாஸ் நிகழ்ச்சியின் 96-வது நாளுக்கான (ஜனவரி 10) முதல் புரோமோ வெளியாகி இருக்கிறது.

பிக் பாஸ் நிகழ்ச்சி இப்போது இறுதிக்கட்டத்தை நெருங்கிக்கொண்டிருக்கிறது. கடந்த வாரம் TTF டாஸ்க் நடைபெற்றது. இறுதிப் போட்டிக்கான முதல் போட்டியாளராக ரயான் தேர்வாகி இருக்கிறார். இந்த சீசனின் கடைசி போட்டியாளராக வந்து, இப்போது முதல் பைனலிஸ்ட்டாக இவர் மாறியிருக்கிறார்.

இதனிடையே சுனிதா, வர்ஷினி, அர்ணவ், ரவீந்தர், சிவகுமார், சாச்சனா, தர்ஷா குப்தா, ரியா என எட்டு பேர் பிக் பாஸ் வீட்டிற்குள் சென்றிருக்கின்றனர். அவர்களால் உள்ளே உள்ள 8 போட்டியாளர்களில் இருவர் ஸ்வாப் செய்யவும் வாய்ப்பு இருப்பதாக அறிவிக்கப்பட்டு உள்ளது.

இந்நிலையில் தற்போது வெளியாகி இருக்கும் முதல் புரோமோவில் சௌந்தர்யாவுக்கும், ஜாக்குலினுக்கும் இடையே வாக்குவாதம் ஏற்படுகிறது. ஜாக்குலின் குறித்து பேசிய சௌந்தர்யா, `கேமும், அவரின் கேரக்டரும் கலந்து இருக்கிறது. அதெல்லாம் எனக்கு செட் ஆகாது' என்கிறார். அதற்கு உடனே பதிலளிக்கும் ஜாக்குலின், 'எனக்கு என்ன தோணுதுன்னா அவுங்களுக்கு நல்லா கேம் விளையாட தெரிஞ்சுருக்கு. எனக்கு அந்த அளவுக்கு விளையாட தெரியல.

அவுங்க கரக்ட்டான இடத்துல கரக்ட்டான விஷயங்களை சொல்றாங்க. அதுதான் கேம்' என்று சௌந்தர்யாவை சொல்கிறார். உடனே சௌந்தர்யா, 'நான் பண்ணின தப்பு என்ன தெரியுமா? இங்க வந்து ப்ரெண்ட்ஷிப்னு ஒன்னு வச்சுகிட்டதுதான்' என்றார். 'அவுங்களுக்கு கேம் விளையாடணும்னா விளையாட சொல்லுங்க சார்' என்று ஜாக்குலின் ரவீந்தரிடம் சொல்லிவிட்டு சென்றுவிட்டார்.