Bill Gates: விவாகரத்துக்கு பின் காதலி குறித்து மனம் திறந்த பில் கேட்ஸ் - யார் இந்த பவுலா ஹார்ட்?

மைக்ரோசாப்ட் இணை நிறுவனர் பில் கேட்ஸ், பவுலா ஹர்டுடனான தனது உறவு பற்றி முதல் முறையாக மனம் திறந்து பேசியுள்ளார்.

கடந்த 2021 ஆம் ஆண்டு பில் கேட்ஸ் அவரது மனைவி மெலிண்டா கேட்ஸ் விவாகரத்து செய்துகொண்டனர். இருவருக்குள் கருத்து வேறுபாடுகள் இருந்ததால், இனி தங்களால் இணைந்து வாழ முடியாது என்று 27 வருட திருமண வாழ்வை முறித்துக்கொண்டனர்.

இதன் பின்னர் கேட்ஸ் மற்றும் அவரின் புதிய காதலியான பவுலா ஹார்ட் உடம் பல நிகழ்ச்சிகளில் காணப்பட்டனர். பாரிஸ் ஒலிம்பிக், அனந்த் அம்பானியின் திருமணம் உள்ளிட்ட பல்வேறு நிகழ்வுகளில் அவர்கள் ஒன்றாகக் காணப்பட்டனர்.

இந்த நிலையில், தனது புதிய காதல் குறித்து பில் கேட்ஸ் மனம் திறந்து பேசியுள்ளார். பவுலா ஹார்ட்-ஐ தற்போது காதலித்து வரும் பில் கேட்ஸ் அவர் குறித்து தனியார் ஊடகத்திற்கு அளித்த பேட்டியில் கூறியிருக்கிறார்.

”தனக்கு பவுலா ஹார்ட் கிடைத்தது அதிர்ஷ்டம்” என்றும் ஒலிம்பிக்கிற்கு செல்வது மற்றும் பல சிறந்த விஷயங்களைச் செய்வது என இருவரும் மகிழ்ச்சியாக வாழ்ந்து வருவதாக பில் கேட்ஸ் தெரிவித்துள்ளார்.

பவுலா ஹார்ட்

பிரபல மென்பொருள் நிறுவனமான ஆரக்கிள் (Oracle) தலைமை செயல் அதிகாரி மார்க் ஹார்டின் மனைவி தான் இந்த பவுலா ஹார்ட். இருவரும் திருமணம் செய்து 30 ஆண்டுகள் ஒன்றாக வாழ்ந்தனர். இவர்களுக்கு இரண்டு மகள்கள் உள்ளனர். இந்த நிலையில், கடந்த 2019 ஆம் ஆண்டு மார்க் ஹார்ட் காலமானார்.

இதையடுத்து, 2022 ஆம் ஆண்டு முதல் பில் கேட்ஸுடன் பவுலா பழகி வந்தார். பொது இடங்களில் ஒருவருக்கொருவர் இணையாகக் காணப்பட்டாலும், பிப்ரவரி 2023ல் தங்களின் உறவு குறித்து உறுதிப்படுத்தினர். இந்த நிலையில் தான் பவுலாவுடன் தனது காதல் குறித்து பில் கேட்ஸ் மனம் திறந்துள்ளார்.

இப்போது ஆடியோ வடிவிலும் வந்துவிட்டான் `பறம்பின் நாயகன்' பாரி; அறமும் வீரமும் நிறைந்த அவனின் கதையைக் கேட்டு மகிழுங்கள்! 

https://tinyurl.com/Velpari-Vikatan-Play