ரிஷப் பந்த்தை பார்த்து ஆஸி. வீரர்கள் பயப்படுகிறார்கள்..! ரவி சாஸ்திரி பேட்டி!
Sanju Samson: "தோல்வியடைந்த சமயங்களில் எனக்குப் பக்கபலமாக இருந்த இருவர்.." - நெகிழ்ந்த சஞ்சு சாம்சன்
Admin
- 3 hours ago
இந்திய கிரிக்கெட் வீரர் சஞ்சு சாம்சன், 2015-ம் ஆண்டே சர்வதேச கிரிக்கெட்டில் அறிமுகமானபோதும், இந்திய அணியில் தொடர்ச்சியாக இடம்பிடிக்க 10 ஆண்டுகளாகப் போராடி வருகிறார். இதில், கடந்த சில ஆண்டுகளாகச் சிறப்பான ஆட்டத்தையும் வெளிப்படுத்தி வருகிறார். அவ்வப்போது இந்திய அணியில் விளையாடக் கிடைத்த குறைவான வாய்ப்புகளில் சொதப்பினாலும், அதைச் சரிசெய்யும் விதமாக ஒரு சில நல்ல இன்னிங்ஸையும் வெளிப்படுத்தியிருக்கிறார்.
இருப்பினும், கிடைக்கும் வாய்ப்புகளில் ஜொலிக்கத் தவறுகிறார் என்று ஒருபக்கம் சஞ்சு சாம்சன் மீது விமர்சனமும், மறுபக்கம் தொடர்ச்சியாக வாய்ப்புகளை வழங்காமல் புறக்கணிக்கிறார்கள் என்று சஞ்சு சாம்சனுக்கு ஆதரவும் வந்துகொண்டுதான் இருக்கின்றன.
சமீபத்தில் சஞ்சு சாம்சனின் தந்தை சாம்சன் விஸ்வநாத், "என் மகனின் 10 ஆண்டுக்கால வாழ்க்கையைச் சீரழித்த மூன்று கேப்டன்கள் தோனி, கோலி, ரோஹித். இவர்களுடன் பயிற்சியாளர் டிராவிட்" என்று குற்றம் சாட்டியிருந்தது பேசுபொருளாகியிருந்தது.
தென்னாப்பிரிக்காவிற்கு எதிரான நான்கு போட்டிகள் கொண்ட டி20 தொடரில் இரண்டு போட்டிகளில் சதம் அடித்திருக்கிறார். கடைசியாக ஆடிய 5 டி20 போட்டிகளில் 3 சதம் அடித்திருக்கும் சஞ்சு சாம்சன், டி20 போட்டிகளில் அதிக சதம் அடித்த விக்கெட் கீப்பர் - பேட்ஸ்மேன்களில் முதலிடத்தில் இருக்கிறார். இந்நிலையில், நேற்றைய போட்டியில் சதம் அடித்த பிறகுப் பேசியிருக்கும் சஞ்சு சாம்சன், "நான் என் கிரிக்கெட் வாழ்வில் நிறையத் தோல்விகளைச் சந்திருக்கிறேன். சதங்கள் அடித்திருக்கும் அதே நேரம், முதல் பந்திலேயே டக் அவுட்டும் ஆகியிருக்கிறேன்.
எந்தவொரு சூழ்நிலையிலும் நான் என் மீதான நம்பிக்கையை இழந்துவிடாமல் தன்னம்பிக்கையுடன் இருந்தேன். அதுதான் என்னை உயர்த்திக் கொண்டே இருக்கிறது. தோல்விகளைக் குறித்து நான் மிகுந்த கவலையில் இருந்தபோதெல்லாம் அபிஷேக்கும், திலக்கும் எனக்குப் பக்கபலமாக இருந்தனர்" என்று பேசியிருக்கிறார்.
சினிமா விகடனின் பிரத்யேக Whatsapp க்ரூப்
https://chat.whatsapp.com/KzgH8aPb2MI9PVttY53JpX
சினிமா தொடர்பான எக்ஸ்க்ளூசிவ் அப்டேட், அசத்தல் பேட்டிகள், டி.வி அப்டேட்கள் என எதையும் மிஸ் செய்யாமல் தெரிந்து கொள்ள...
உங்கள் வாட்ஸ் அப் மூலமே இணைந்திருங்கள் சினிமா விகடனுடன்...
.jpeg)
