செய்திகள் :

TVK : காமராஜர், பெரியார், அம்பேத்கர், விஜய்... த.வெ.க கட்-அவுட் ‘காட்டும்’ அரசியல் ரூட் என்ன?

post image

நடிகர் விஜய் புதிதாகத் தொடங்கியிருக்கும் தமிழக வெற்றிக் கழகம் கட்சியைச் சுற்றியே அனைவரின் கண்களும் இருக்கிறது. கட்சி தொடங்கிய கையேடு கட்சியின் கொடி, பாடலையும் வெளியிட்டிருந்தார் விஜய். அடுத்ததாக அந்த கட்சியின் கொள்கை, கோட்பாடுகள் என்ன என்பதே அனைவரிடத்திலும் இருக்கும் ஒரே கேள்வி. இந்த அனைத்து கேள்விகளுக்கும் விடை தெரியும் இடமாக 27-ம் தேதி விக்கிரவாண்டியில் அந்த கட்சியின் முதல் மாநில மாநாடு இருக்கப் போகிறது. அந்த மாநாடு கட்சியின் முதல் மாநாடாக மட்டும் இருக்கப் போவதில்லை. விஜய்யின் அரசியல் எதிர்காலத்தைத் தீர்மானிக்கக் கூடிய இடமாகவும் அந்த மாநாடு இருக்கப் போகிறது.

தமிழக வெற்றிக் கழகத்தின் கொடி

மாநாட்டுக்குப் பூமி பூஜை போடப்பட்டதிலிருந்து இப்போதுவரை மாநாடு பணிகள் குறித்து நாளோடு செய்திகள் வந்துகொண்டே இருக்கிறது. 150 ஏக்கர் பரப்பளவு இடம் தேர்வுசெய்யப்பட்டு அதில் 80 ஏக்கரில் மாநாட்டுத் திடல், வாகன நிறுத்தம், கொடிக் கம்பம் எனத் தனித் தனியாக பணிகள் நடக்கிறது. அதேபோல, மாநாட்டுக்குத் தனித் தனி அணிகள் அமைக்கப்பட்டு கட்சி நிர்வாகிகள் மாநாடு பணிகளைச் செய்துவருகிறார்கள். லட்சக்கணக்கான தொடர்கள் வருவார்கள் என்பதற்காக அவர்களுக்கான, உணவு தொடங்கி அனைத்து வசதிகளும் செய்யப்பட்டு வருகிறது. மாநாட்டுக்கு சில தினங்களே இருக்கும் நிலையில் பணிகள் முடக்கி விடப்பட்டிருக்கிறது.

மாநாடு திடல் தொடங்கி வாகன நிறுத்துமிடம் ஏற்பாடுகள் வரை அனைத்தும் நடந்து கொண்டிருக்கிறது. இந்நிலையில், மாநாடு நடக்கும் இடத்தில் தமிழக வெற்றிக் கழகம் சார்பில் வைக்கப்பட்டிருக்கும் கட்-அவுட் பெரும் பேசுபொருளாகியிருக்கிறது.

காமராஜர், பெரியார், அம்பேத்கர் ஆகியோரின் வானுயர கட்-அவுட்டுடன் நடிகர் விஜய் வணக்கம் சொல்லுவது போன்ற ஒரு கட்-அவுட்டும் வைக்கப்பட்டிருக்கிறது. இதில் புதியதாக வேலு நாச்சியார், அஞ்சலை அம்மாள் ஆகியோரின் கட்-அவுட்களும் இணைக்கப்பட்டுள்ளது. இந்த கட்-அவுட் மூலம் விஜய்யின் புதிய கட்சி சொல்லவரும் கருத்துதான் என்ன என்பதுதான் இன்றைய அரசியல் வட்டாரத்தில் ஹாட்-டாபிக். இப்போது வைத்திருக்கும் கட்-அவுட்களுடன் இன்னும் சில சுதந்திரப் போராட்ட வீரர்கள் படங்களும் கண்டிப்பாக இடம்பெறும் என்கிறார்கள் அந்த கட்சியைச் சேர்ந்தவர்கள்.

TVK

காமராஜர், பெரியார், அம்பேத்கர் கட்-அவுட் மூலம் தமிழக வெற்றிக் கழகம் சொல்லவரும் கருத்து என்ன என்பது குறித்து அரசியல் விமர்சகர்கள் சிலரிடம் பேசினோம். "தமிழகத்தில் யார் கட்சி தொடங்கினாலும் அவர்கள் அண்ணாவை வைத்து அரசியல் செய்வதை நாம் பார்த்திருப்போம். ஆனால், விஜய் ஒருபடி மேல் சென்று அண்ணாவுக்கு யார் தலைவர்களாக இருந்தார்களோ அவர்களை முன்னிலைப் படுத்துகிறது த.வெ.க. அண்ணாவை மையமிட்ட அரசியலைத் தாண்டி வேறொரு கோணத்தில் யோசித்திருக்கிறார்கள். ஏற்கனவே மாணவர்களுடன் பேசும்போதும் காமராஜர், பெரியார், அம்பேத்கர் ஆகியோரின் பெயரைக் குறிப்பிட்டிருந்தார்.

இப்போது முதல் மாநாட்டிலும் அவர்களின் கட்-அவுட் மூலமாக, பெரியாரின் சமூகநீதி பகுத்தறிவு கொள்கைகளையும், அம்பேத்கரின் அனைவரும் சமம் என்ற கருத்தையும், காமராஜரின் கல்வி தொடங்கி ஊழலற்ற ஆட்சி என்பதையும் மையப்படுத்தி கொள்கைகள் தமிழக வெற்றிக் கழகம் முன்னெடுக்கும். ஒரு அரசியல் கட்சி தொடர்ந்து செயல்பட அவர்களுக்கு முக்கிய தேவை அடிப்படை கொள்கை. திமுகவைப் பொறுத்தவரைச் சமூகநீதி, சமத்துவம், திராவிடம், தமிழ் என்று பல்வேறு கொள்கைகளை வைத்திருப்பதால்தான் இன்றுவரை அந்த கட்சி உயிர்ப்போடு இருக்கிறது. அதேபோல, அதிமுகவைப் பொறுத்தவரை திமுக எதிர்ப்பு அவர்களின் பிரதானம்.

TVK மாநாடு கட்-அவுட்

அதிமுகவுக்கு என்று தனி கொள்கைகள் இருந்தாலும், என்று அதிமுக திமுக எதிர்ப்பினை கைவிடுகிறதோ அன்று அந்த கட்சி அஸ்தமனமாகத் தொடங்கிவிடும். திமுக, அதிமுகவுக்குப் பிறகு பல்வேறு கட்சிகள் தமிழகத்தில் முளைத்திருந்தாலும் அவை ஓரிரு தேர்தலைத் தாண்டி தாக்குப் பிடிக்கவில்லை. காரணம் அவர்களிடம் கொள்கை என்று ஒன்று கிடையாது. அதேநேரத்தில் இன்றுவரை சீமான் அரசியலில் தாக்குப் பிடித்திருக்க ஒரே காரணம் தமிழ்த் தேசியம் என்ற ஒன்றை அவர் பிடித்துக்கொண்டிருக்கிறார். இப்படி விஜய் தனது கட்சியில் என்ன கொள்கையைத் தூக்கிப் பிடிக்கப் போகிறார் என்பதும், யாரை எதிர்த்து அரசியல் களம் காணப்போகிறார் என்பதும் மிகமுக்கியமான ஒன்று. அனைத்துக்கும் விடை இன்னும் ஓரிரு நாள்களில் தெரிந்துவிடும்" என்றார்கள் விரிவாக.

சினிமா விகடனின் பிரத்யேக Whatsapp க்ரூப்

https://chat.whatsapp.com/KzgH8aPb2MI9PVttY53JpX

சினிமா தொடர்பான எக்ஸ்க்ளூசிவ் அப்டேட், அசத்தல் பேட்டிகள், டி.வி அப்டேட்கள் என எதையும் மிஸ் செய்யாமல் தெரிந்து கொள்ள...

உங்கள் வாட்ஸ் அப் மூலமே இணைந்திருங்கள் சினிமா விகடனுடன்...

https://chat.whatsapp.com/KzgH8aPb2MI9PVttY53JpX

தாராவியின் கதை: குடிசைகளை கோபுரமாக்க அடுத்தடுத்து டெண்டர்; களத்தில் இறங்கிய அதானி | பகுதி 4

மும்பை தாராவியில் உள்ள ஆயிரக்கணக்கான குடிசைகளை அகற்றிவிட்டு அடுக்குமாடி குடியிருப்பு கட்டடங்கள் கட்டும் திட்டம் 15 ஆண்டுகளுக்கும் மேலாக நிலுவையில் இருந்து வந்த நிலையில், அத்திட்டத்தை செயல்படுத்தும் பொ... மேலும் பார்க்க

lady Justice Statue: `நீதி தேவதை சிலை மாற்றியமைப்பு' - உச்ச நீதிமன்ற பார் அசோசியேசன் எதிர்ப்பது ஏன்?

நீதியை சரிசமமாக வழங்குவதை நீதி தேவதை சிலை குறிக்கிறது. இந்த சிலை நீதிமன்றங்கள், சட்டக் கல்வி நிறுவனங்கள், சட்ட அலுவலகங்களில் நிறுவப்பட்டுள்ளது. அந்த சிலைகளில் கண்கள் கறுப்பு துணியால் கட்டப்பட்டும், இட... மேலும் பார்க்க

Vijay TVK: `சாதிகள்... அரசியல் புத்திசாலி... கலைஞர், ஜெயலலிதா!' - விஜய்யின் அரசியல் பார்வை

நாளை வி.சாலையில் விஜய்யின் தமிழக வெற்றிக் கழகத்தின் முதல் மாநாடு நடக்கவிருக்கிறது. இதற்கென பிரமாண்ட ஏற்பாடுகள் நடைபெற்று வருகின்றன.இப்போது தமிழக வெற்றிக் கழகம் என்ற அரசியல் கட்சியின் தலைவராக இருக்கும்... மேலும் பார்க்க

புதுச்சேரி: `நிரூபித்துவிட்டால், அரசியலை விட்டே விலகுகிறேன்’ - நமச்சிவாயம் ஆவேசத்தின் பின்னணி என்ன?

சாடும் நாராயணசாமிபுதுச்சேரியில் என்.ஆர்.காங்கிரஸ் - பா.ஜ.க தலைமையிலான கூட்டணி ஆட்சியில் அமர்ந்ததில் இருந்து, முதல்வர் ரங்கசாமி, அமைச்சர் நமச்சிவாயம் உள்ளிட்டவர்கள் மீது ஊழல் குற்றச்சாட்டுகளை அடுக்கி வ... மேலும் பார்க்க

தீவிரமடையும் பிரச்னை; `லாரன்ஸ் சகோதரர் பற்றி தகவல் கொடுத்தால் ரூ.10 லட்சம் சன்மானம்' - NIA அறிவிப்பு

பாலிவுட் நடிகர் சல்மான் கான் வீட்டின் மீது கடந்த ஏப்ரல் மாதம் குஜராத் சிறையில் அடைக்கப்பட்டுள்ள லாரன்ஸ் பிஷ்னோய் கூட்டாளிகள் துப்பாக்கியால் சுட்டனர். இத்துப்பாக்கிச்சூடு தொடர்பாக மும்பை போலீஸார் விசார... மேலும் பார்க்க

`தமிழ்த்தாய் வாழ்த்து தவறாகப் பாடப்படவில்லை..!" - துணை முதல்வர் உதயநிதி ஸ்டாலின்

தமிழ்த்தாய் வாழ்த்து விவகாரம்தமிழ்நாட்டின் ஆளுநர் ஆர்.என்.ரவி கலந்து கொண்ட ஒரு நிகழ்வில் தமிழ்த் தாய் வாழ்த்துப்பாடல் பாடப்படும் போது திராவிட திரு நல்நாடும் எனும் வரிகள் இல்லாமல் பாடப்பட்டது. அது தொடர... மேலும் பார்க்க