Vikatan Digital Awards 2025: `கிரிக்கெட் பவர்ஹவுஸ் அஷ்வின்!' - Best Solo Celebrity Channel Winner
Admin
- 8 hours ago
டிஜிட்டல் விருதுகள் 2025
டிஜிட்டல் தளத்தில் தொடர்ந்து தூள் கிளப்பிக் கொண்டிருக்கும் கலைஞர்களைக் கொண்டாட திட்டமிட்டிருக்கிறது விகடன். அதற்கெனப் பிரத்யேகமாக `விகடன் டிஜிட்டல் விருதுகள்' விழாவையும் முதல் முறையாக நடத்தவிருக்கிறது விகடன்!
`Best Solo Creator - Male', `Best Solo Creator - Female', `Best Couple Creator' என மொத்தமாக 27 பிரிவுகளில் விருதுகள் வழங்கப்படவுள்ளன. விருதுகளின் ஒவ்வொரு பிரிவின் நாமினேஷனுக்காகத் தேர்வு செய்யப்பட்டவர்களின் பட்டியல் கடந்த சில தினங்களுக்கு முன்பு வெளிவந்திருந்தது.
யூட்யூப், இன்ஸ்டாகிராம் என டிஜிட்டல் தளத்தில் அதகளப்படுத்திக் கொண்டிருக்கும் பலரும் அந்த நாமினேஷன் பட்டியலில் இடம்பெற்றிருந்தார்கள். கோலாகலத்திற்குப் பஞ்சமின்றி பிரமாண்டமாக இந்த விருது விழா வருகிற செப்டம்பர் 13-ம் தேதி சென்னை கலைவாணர் அரங்கத்தில் நடக்கவிருக்கிறது. நம் ஃபேவரைட் சோசியல் மீடியா பிரபலங்கள் பலரும் இந்த விழாவில் கலந்துக் கொண்டு விருது பெறவிருக்கிறார்கள்.
இப்போது, விருதுகளை வெல்லப் போகும் வெற்றியாளரையும் அவர்களைப் பற்றிய விவரங்களையும் நம் விகடன் இணையதளத்தில் ஒவ்வொன்றாகத் தொடர்ந்துப் பார்க்கலாம்.
Best Solo Celebrity Channel
இப்பிரிவில் அஷ்வின், கருப்பு ரோஜா, ப்ரியங்கா தேஷ்பாண்டே, நக்ஷத்ரா நாகேஷ், ஷ்ரண்யா துராடி, வெங்கடேஷ் பட், லக்ஷயா, தியேட்டர் டி, சிவாங்கி விலாக்ஸ், ரவீனா தாஹா ஆகிய சேனல்கள் நாமினேஷன் பட்டியலில் இடம்பெற்றிருந்தன. ஜூரிகளின் தேர்வுபடி இந்தப் பிரிவின் வெற்றியாளராகத் தேர்ந்தெடுக்கப்பட்டிருக்கிறது, கிரிக்கெட் வீரர் அஷ்வினின் சேனல்!
Best Solo Celebrity Channel - Ashwin
ஒரு துறையில் ஆளுமை செலுத்திக்கொண்டே, தயங்காமல், சமரசம் செய்யாமல், அந்தத் துறை சார்ந்த நுணுக்கங்களையும், அலசல்களையும் வழங்குவதில் கில்லி, ரவிச்சந்திரன் அஷ்வின்! குட்டி ஸ்டோரிக்கள் சொல்லும் நேர்காணல்கள், கிரிக்கெட்டின் டெக்னிக்கல் விஷயங்களும்கூட எல்லோரையும் சென்றடைய வேண்டும் என்ற முனைப்புடன் யூடியூப்பில் அஷ்வின் வீசும் அனைத்துமே ரசிக்க வைக்கும் கேரம் டெலிவரிக்கள்.
இந்திய கிரிக்கெட்டின் பவர்ஹவுஸாக விளங்கும் தமிழர் அஷ்வினுக்கு Best Solo Celebrity Channel விருது வழங்கிப் பாராட்டுவதில் பெருமிதம் கொள்கிறது விகடன்!
சினிமா விகடனின் பிரத்யேக Whatsapp க்ரூப்
https://chat.whatsapp.com/JSk78H7siYK4aL2qO1RglR
சினிமா தொடர்பான எக்ஸ்க்ளூசிவ் அப்டேட், அசத்தல் பேட்டிகள், டி.வி அப்டேட்கள் என எதையும் மிஸ் செய்யாமல் தெரிந்து கொள்ள...
உங்கள் வாட்ஸ் அப் மூலமே இணைந்திருங்கள் சினிமா விகடனுடன்...
