Vikatan Digital Awards 2025: `சென்டர் ஆப் அட்ராக்‌ஷன்!' - சிம்பு; Most Celebrated Hero in Digital

டிஜிட்டல் விருதுகள் 2025

டிஜிட்டல் தளத்தில் தொடர்ந்து தூள் கிளப்பிக் கொண்டிருக்கும் கலைஞர்களைக் கொண்டாட திட்டமிட்டிருக்கிறது விகடன். அதற்கெனப் பிரத்யேகமாக `விகடன் டிஜிட்டல் விருதுகள்' விழாவையும் முதல் முறையாக நடத்தவிருக்கிறது விகடன்!

`Best Solo Creator - Male', `Best Solo Creator - Female', `Best Couple Creator' என மொத்தமாக 27 பிரிவுகளில் விருதுகள் வழங்கப்படவுள்ளன. விருதுகளின் ஒவ்வொரு பிரிவின் நாமினேஷனுக்காகத் தேர்வு செய்யப்பட்டவர்களின் பட்டியல் கடந்த சில தினங்களுக்கு முன்பு வெளிவந்திருந்தது.

யூட்யூப், இன்ஸ்டாகிராம் என டிஜிட்டல் தளத்தில் அதகளப்படுத்திக் கொண்டிருக்கும் பலரும் அந்த நாமினேஷன் பட்டியலில் இடம்பெற்றிருந்தார்கள். கோலாகலத்திற்குப் பஞ்சமின்றி பிரமாண்டமாக இந்த விருது விழா வருகிற செப்டம்பர் 13-ம் தேதி சென்னை கலைவாணர் அரங்கத்தில் நடக்கவிருக்கிறது. நம் ஃபேவரைட் சோசியல் மீடியா பிரபலங்கள் பலரும் இந்த விழாவில் கலந்துக் கொண்டு விருது பெறவிருக்கிறார்கள்.

இப்போது, விருதுகளை வெல்லப் போகும் வெற்றியாளரையும் அவர்களைப் பற்றிய விவரங்களையும் நம் விகடன் இணையதளத்தில் ஒவ்வொன்றாகத் தொடர்ந்துப் பார்க்கலாம்.

Most Celebrated Hero in Digital 2025 - Silambarasan TR

படம் ரிலீஸ் இருந்தாலும் சரி, இல்லையென்றாலும் சரி ரசிகர்கள் தங்கள் மனங்களில் சிம்புவுக்குக் கொடுத்திருப்பதோ நிரந்தர சிம்மாசனம். சிம்பு எதை செய்தாலும் அதுதான் அன்றைய தினத்தின் டாக் ஆஃப் தி டவுன்! என்றும் மக்கள் கொண்டாடும் நாயகன் சிம்புதான் 'Most Celebrated Hero in Digital 2025' விருதுக்கு மிகப் பொருத்தமானவர் என ஜூரிகள் தேர்வு செய்திருக்கும் வெற்றியாளர்.

Most Celebrated Hero in Digital 2025 - Silambarasan TR

நடந்தால் செய்தி, பேசினால் செய்தி, பேசாவிட்டாலும் செய்தி என்பதே இணையத்தில் STR-ன் வரலாறு! இந்த வருடம் முழுக்க ஆடியோ லாஞ்ச், விருது மேடைகள் எனச் சிம்பு தான் சென்டர் ஆப் அட்ராக்‌ஷன்! உலகநாயகனுக்கு வில்லனானவர், 'டிராகன்' தொடங்கி, 'டீசல்', 'OG' படங்கள் வரை பாடல்கள் பாடி நட்பையும் தன் ஸ்டைலில் கொண்டாடியிருக்கிறார் இந்த ஆத்மன்!

பிறவிக் கலைஞன் சிலம்பரசன் டி.ஆர் அவர்களுக்கு Most Celebrated Hero in Digital 2025 விருதினை வழங்குவதில் பெருமிதம் கொள்கிறது விகடன்.

சினிமா விகடனின் பிரத்யேக Whatsapp க்ரூப்

https://chat.whatsapp.com/JSk78H7siYK4aL2qO1RglR

சினிமா தொடர்பான எக்ஸ்க்ளூசிவ் அப்டேட், அசத்தல் பேட்டிகள், டி.வி அப்டேட்கள் என எதையும் மிஸ் செய்யாமல் தெரிந்து கொள்ள...

உங்கள் வாட்ஸ் அப் மூலமே இணைந்திருங்கள் சினிமா விகடனுடன்...

https://chat.whatsapp.com/JSk78H7siYK4aL2qO1RglR