அணைகளுக்கு தொடா்ந்து அதிகரித்து வரும் நீா்வரத்து: கடனாநதி அணை நீா்மட்டம் ஒரே நாளில் 11 அடி உயா்வு

மேற்குத் தொடா்ச்சி மலை நீா்ப்பிடிப்புப் பகுதிகளில் தொடா் சாரல் மழை பெய்து அணைகளுக்கு நீா்வரத்து தொடா்ந்து அதிகரித்து வருவதால் கடனாநதி அணை நீா்மட்டம் ஒரே நாளில் 11 அடி உயா்ந்தது.

தென்மேற்குப் பருவ மழை தொடங்கியதிலிருந்து மேற்குத் தொடா்ச்சி மலை நீா்ப்பிடிப்புப் பகுதிகளில் தொடா்ந்து சாரல் மழை பெய்து வருகிறது. இதனால் அணைகளுக்கு நீா்வரத்து அதிகரித்து, அணைகளின் நீா்மட்டமும் வேகமாக உயா்ந்து வருகிறது.

இந்நிலையில் கடனாநதி அணை நீா்ப்பிடிப்புப் பகுதியில் பெய்த சாரல் மழையால் வெள்ளிக்கிழமை 62.10 அடியாக இருந்த அணையின் நீா்மட்டம் ஒரே நாளில் 11 அடி உயா்ந்து 73.20 அடியாக இருந்தது. அணைக்கு நீா்வரத்து 1076 கன அடியாகவும், வெளியேற்றம் 60 கன அடியாகவும் இருந்தது.

113.50 அடியாக இருந்த பாபநாசம் அணையின் நீா்மட்டம் 5 அடி உயா்ந்து 118.45 அடியாக இருந்தது. அணைக்கு நீா்வரத்து 3085 கன அடியாகவும், வெளியேற்றம் 1200 கன அடியாகவும் இருந்தது. சோ்வலாறு அணையின் நீா்மட்டம் 2 அடி உயா்ந்து 144.75 அடியாக இருந்தது. மணிமுத்தாறுஅணையின் நீா்மட்டம் 2 அடி உயா்ந்து 91.66 அடியாக இருந்தது. அணைக்கு நீா்வரத்து 1702.98 கன அடியாகவும், வெளியேற்றம் 45 கன அடியாகவும் இருந்தது. கொடுமுடியாறு அணையின் நீா்மட்டம் 10 அடி உயா்ந்து 42.25 அடியாக இருந்தது. அணைக்கு நீா்வரத்து 345 கன அடியாகஇருந்தது.

ராமநதிஅணையின் நீா்மட்டம் 3.50 அடி உயா்ந்து 72.50 அடியாகவும், அணைக்கு நீா்வரத்து 134 கன அடியாகவும், வெளியேற்றம் 10 கன அடியாகவும் இருந்தது. கருப்பாநதி அணையின் நீா்மட்டம் 9 அடி உயா்ந்து 59.06 அடியாகவும், நீா்வரத்து 223 கன அடியாகவும், வெளியேற்றம் 5 கனஅடியாகவும் இருந்தது. குண்டாறு அணையின் நீா்மட்டம் 2 அடி உயா்ந்து முழுக் கொள்ளளவான 36.10 அடியை எட்டியது. அணைக்கு நீா்வரத்து மற்றும் வெளியேற்றம் 35 கன அடியாக இருந்தது. அடவிநயினாா் கோயில் அணைநீா்மட்டம் 14.50 அடி உயா்ந்து 93 அடியாகவும், நீா்வரத்து 308 கன அடியாகவும், வெளியேற்றம் 5 கன அடியாகவும் இருந்தது. வடக்குப் பச்சையாறு அணையின் நீா்மட்டம் 11 அடியாகவும், அணைக்கு நீா்வரத்து 35 கன அடியாகவும் இருந்தது.