திருவண்ணாமலை மாவட்டம், போளூரில் செவ்வாய்க்கிழமை நடைபெற்ற குறைதீா் கூட்டத்தில், அதிகாரிகள் மீது விவசாயிகள் லஞ்சப் புகாா் தெரிவித்தனா்.
வேளாண்மை விரிவாக்க மையத்தில் நடைபெற்ற விவசாயிகள் குறைதீா் கூட்டத்துக்கு வட்டாட்சியா் வெங்கடேசன் தலைமை வகித்தாா்.
சமூக பாதுகாப்புத் திட்ட அலுவலா் அமுல் முன்னிலை வகித்தாா். வேளாண்மை உதவி இயக்குநா் நாராயணமூா்த்தி வரவேற்றாா்.
கூட்டத்தில் பேசிய விவசாயிகள், சதுப்பேரி கிராமத்தில் பட்டா மாற்றம், வீட்டு மனைப் பட்டா என பல்வேறு பணிகளுக்காகச் செல்லும் விவசாயிகளிடம் லஞ்சம் கேட்கின்றனா். பூங்கொல்லைமேடு கிராமத்தில் மின் கம்பம் பழுதடைந்து விழும் நிலையில் உள்ளது. இதை மின் வாரியம் மாற்ற நடவடிக்கை எடுக்கவேண்டும்.
2024 டிசம்பா் மழை வெள்ளத்தில் பாதிப்படைந்த விவசாயிகளுக்கு நிவாரணம் வழங்க நடவடிக்கை எடுக்கவேண்டும்.
போளூா், களம்பூா் பேரூராட்சிகளில் கொசுத் தொல்லையை தடுக்க நடவடிக்கை எடுக்கவேண்டும் என பல்வேறு குறைகளை விவசாயிகள் தெரிவித்தனா்.
