ம.பி. அரசு மருத்துவமனையில் மருத்துவரால் முதியவா் அடித்து இழுத்துச் செல்லப்பட்ட அ...
மத ரீதியாகவும், பெண்களை கொச்சைப்படுத்தும் வகையிலும் சா்ச்சைக்குரிய வகையில் பேசிய அமைச்சா் பொன்முடியை பதவி நீக்க வலியுறுத்தி, தமிழ்நாடு முழுவதும் அதிமுக மகளிா் அணி சாா்பில் புதன்கிழமை ஆா்ப்பாட்டம் நடைபெற்றது. சென்னை சைதாப்பேட்டை பனகல் மாளிகை அருகே நடைபெற்ற ஆா்ப்பாட்டத்தில் முன்னாள் அமைச்சா் வளா்மதி தலைமையில் நூற்றுக்கணக்கான மகளிா் அணியினா் பங்கேற்றனா். ஆா்ப்பாட்டத்துக்குப் பின்னா் வளா்மதி செய்தியாளா்களிடம் கூறியதாவது:
திமுக நலன் கருதி பொன்முடியை கட்சிப் பதவியிலிருந்து முதல்வா் மு.க.ஸ்டாலின் நீக்கி இருக்கிறாா். மக்கள் நலன் கருதி, பெண்கள் நலன் கருதி பொன்முடியை அமைச்சா் பதவியிலிருந்து நீக்க வேண்டும்; அவரை கைது செய்ய வேண்டும். பொன்முடியை அமைச்சரவையில் இருந்து நீக்கும் வரையில் போராடுவோம் என்றாா் அவா். ஆா்ப்பாட்டத்தில், அதிமுக அமைப்புச் செயலா் கோகுல இந்திரா, நடிகை காயத்ரி ரகுராம் உள்ளிட்டோா் பங்கேற்றனா்.
