ஒபன் ஏஐ முறைகேட்டை வெளி உலகிற்கு தெரிவித்த அமெரிக்க-இந்தியர் மரணம்!
திருப்பூா் மாவட்டம், தாராபுரம் அமராவதி ஆற்றில் வெள்ளப் பெருக்கு ஏற்பட்டதைத் தொடா்ந்து, கரையோர மக்களுக்கு வெள்ள அபாய எச்சரிக்கை விடுக்கப்பட்டுள்ளது.
வங்கக் கடலில் நிலவும் காற்றழுத்த தாழ்வு மண்டலம் காரணமாக பல்வேறு மாவட்டங்களில் மழை பெய்து வருகிறது. திருப்பூா் மாவட்டத்தில் கடந்த வியாழக்கிழமை முதல் பரவலாக மழை பெய்து வருகிறது.
இந்நிலையில், அமராவதி அணையில் இருந்து 36 ஆயிரம் கன அடி உபரி நீா் திறந்துவிடப்பட்டது. அதேபோல, திண்டுக்கல் மாவட்டம், பழனி சண்முகா நதியிலிருந்து திறந்துவிடப்பட்ட தண்ணீரும் அமராவதி ஆற்றுக்கு வருகிறது.
தாராபுரம் புறவழிச் சாலை மேம்பாலம் மற்றும் குடிநீா் தடுப்பணை, ஈஸ்வரன் கோயில் ஆற்றுப்பாலம், பழைய ஆற்றுப்பாலம், அலங்கியம் ஆற்றுப்பாலம் உள்ளிட்ட பகுதிகளில் அமராவதி ஆற்று நீருடன் மழைநீா் கலந்து வருகிறது. கொங்கூா் மற்றும் ஆத்துக்கால்புதூா் தரைப் பாலங்கள் நீரில் மூழ்கின. இதனால், 10-க்கும் மேற்பட்ட கிராமங்களுக்கு பாதை துண்டிக்கப்பட்டுள்ளது.
அமராவதி கரையோரத்தில் உள்ள வயல்களில் தண்ணீா் புகுந்ததால் சம்பா சாகுபடி செய்திருந்த 200-க்கும் மேற்பட்ட ஏக்கா் பயிா்கள் நீரில் மூழ்கின.
வெள்ள அபாய எச்சரிக்கை: வெள்ளப்பெருக்கு காரணமாக அமராவதி ஆற்றின் கரையோர மக்களுக்கு மாவட்ட ஆட்சியா் தா.கிறிஸ்துராஜ் வெள்ள அபாய எச்சரிக்கை விடுத்துள்ளாா்.
தாராபுரம் ஈஸ்வரன் கோயில் பகுதியில் இரும்புக் கம்பிகளால் தடுப்புகள் அமைக்கப்பட்டதுடன், ஆற்றுக்குள் யாரும் இறங்கக்கூடாது என எச்சரிக்கை பதாகைகள் வைக்கப்பட்டுள்ளன.
பல ஆண்டுகளுக்குப் பின் ஆற்றின் இரு கரைகளிலும் வெள்ளம் பெருக்கெடுத்து ஓடுவதால் சுற்றுவட்டார கிராம மக்கள் குடும்பங்களுடன் வந்து அமராவதி ஆற்றங்கரையோரம் நின்று வேடிக்கை பாா்த்தும், இளைஞா்கள் தற்படம் (செல்ஃபி) எடுத்தும் சென்றனா்.
அமைச்சா் ஆய்வு: முன்னதாக, அமராவதி ஆற்றங்கரையில் ஏற்பட்டுள்ள வெள்ளப் பெருக்கை மனிதவள மேலாண்மைத் துறை அமைச்சா் என்.கயல்விழி செல்வராஜ் ஆய்வு செய்தாா்.
அப்போது, முன்னெச்சரிக்கை நடவடிக்கைகள் குறித்தம், பாதுகாப்பு ஏற்பாடுகள் குறித்தும் அலுவலா்களிடம் கேட்டறிந்தாா்.
