ஆதிதிராவிடா் மற்றும் பழங்குடியினா் நலத்துறை சாா்பில், 2025- 2026 ஆம் நிதியாண்டுக்கான தமிழக அரசின் டாக்டா் அம்பேத்கா் விருதுபெற விண்ணப்பிக்கலாம் என மாவட்ட ஆட்சியா் ந. மிருணாளினி தெரிவித்துள்ளாா்.
இதுகுறி்தது அவா் வியாழக்கிழமை வெளியிட்ட செய்திக் குறிப்பு:
பட்டியலின மக்களின் முன்னேற்றத்துக்காக தங்களை இணைத்துக்கொண்டு, அவா்கள் ஆற்றிவரும் தொண்டுகளை கருத்தில் கொண்டு தமிழ்நாட்டைச் சோ்ந்த ஒருவருக்கு ஆண்டுதோறும் டாக்டா் அம்பேத்கா் விருது வழங்கப்பட்டு வருகிறது. இந்த விருதுடன் ரூ. 5 லட்சத்துக்கான காசோலை, 8 கிராம் தங்கப் பதக்கம் மற்றும் தகுதியுரை அளிக்கப்படும். இவ் விருது பெற விண்ணப்பதாரா் தமிழ்நாட்டைச் சோ்ந்தவராகவும், பட்டியலின மக்களின் கல்வி, சமூகப் பொருளாதார முன்னேற்றத்துக்கு அரிய தொண்டாற்றியவராகவும் இருக்க வேண்டும். விண்ணப்பத்தாரா் கடந்த 10 ஆண்டுகளில் செய்த சாதனைகளின் பணிகளை குறிப்பிட வேண்டும்.
விண்ணப்பிக்க விரும்புவோா் இணையதளத்திலிருந்து விண்ணப்பப் படிவத்தை பதிவிறக்கம் செய்து கொள்ளலாம். மேலும், மாவட்ட ஆட்சியா் அலுவலக வளாகத்திலுள்ள மாவட்ட ஆதிதிராவிடா் மற்றும் பழங்குடியினா் நல அலுவலகத்திலும் பெற்றுக் கொள்ளலாம். விண்ணப்பங்களை பூா்த்தி செய்து, பணிகள் குறித்த விவரங்களை புகைப்பட ஆதாரங்களுடன், புத்தக வடிவில் நேரடியாகஅல்லது அஞ்சல் மூலமாக செப். 30-ஆம் தேதி மாலை 5 மணிக்குள் மாவட்ட ஆதிதிராவிடா் மற்றும் பழங்குடியினா் நல அலுவலகத்தில் சமா்ப்பிக்க வேண்டும். மேலும் விவரங்களுக்கு மாவட்ட ஆதிதிராவிடா் மற்றும் பழங்குடியினா் நல அலுவலகத்தை அணுகலாம்.
