பொன்னமராவதி: பொன்னமராவதி அருகே உள்ள அம்மன்குறிச்சி ஊராட்சியில் உங்களுடன் ஸ்டாலின் திட்ட சிறப்பு முகாம் வியாழக்கிழமை நடைபெற்றது.
முகாமிற்கு மாவட்ட உதவித்திட்ட அலுவலா் சடையப்பன் தலைமைவகித்தாா். ஒன்றிய ஆணையா் பி.வெங்கடேசன், திமுக ஒன்றிய செயலா்கள் அ.அடைக்கலமணி, அ.முத்து ஆகியோா் முன்னிலை வகித்தனா். முகாமில் வருவாய்த்துறை, ஊரக வளா்ச்சித்துறை, வேளாண்மைத்துறை உள்ளிட்ட பல்வேறு துறை சாா்ந்த அலுவலா்கள் பங்கேற்று கண்டியாநத்தம், கல்லம்பட்டி, நகரப்பட்டி, அம்மன்குறிச்சி உள்ளிட்ட 4 ஊராட்சிகளைச்சாா்ந்த இருபதிற்கும் மேற்பட்ட கிராம பொதுமக்களிடம் கோரிக்கை மனுக்களை பெற்றனா்.
மேலும் அரசு ஆரம்ப சுகாதார நிலையம் சாா்பில் பொதுமக்களுக்கு மருத்துவ பரிசோதனை செய்யப்பட்டது. முகாமில் பெறப்பட்ட சில மனுக்களுக்கு உடனடி தீா்வு காணப்பட்டது. முகாமில் பொன்னமராவதி வட்டாட்சியா் எம்.சாந்தா சமூகப்பாதுகாப்பு திட்ட வட்டாட்சியா் பழனிசாமி, வட்ட வழங்கல் அலுவலா் திலகா, துணை வட்டாட்சியா்கள் சேகா், திருப்பதி, முன்னாள் ஊராட்சித்தலைவா்கள் சோமையா, செல்வராஜ், முருகேசன், மணிமுத்து மற்றும் பல்வேறு துறை சாா்ந்த அலுவலா்கள் பங்கேற்றனா்.
