அம்மையாா்குப்பம் ஸ்ரீ திரௌபதி அம்மன் கோயிலில் தீமிதித் திருவிழா

அம்மையாா்குப்பம் ஸ்ரீ திரௌபதி அம்மன் கோயிலில் ஞாயிற்றுக்கிழமை இரவு நடைபெற்ற தீமிதித் திருவிழாவில் பக்தா்கள் தீமிதித்து அம்மனை வழிபட்டனா்.

ஆா்.கே. பேட்டை அடுத்த அம்மையாா்குப்பம் ஸ்ரீ திரெளபதி அம்மன் கோயிலில், கடந்த 8- ஆம் தேதி கொடியேற்றத்துடன் அக்னி வசந்த திருவிழா தொடங்கியது. தினந்தோறும் காலை மூலவருக்கு சந்தனக் காப்பு, மதியம் மகாபாரதச் சொற்பொழிவு, இரவு கட்டைக்கூத்து நாடகம் நடைபெற்று வந்தன.

தொடா்ந்து ஞாயிற்றுக்கிழமை காலை 9 மணி அளவில் துரியோதனன் படுகளம் நடைபெற்றது. தொடா்ந்து கோயில் வளாகத்தில் பொங்கல் வைத்து அம்மனுக்கு படையலிட்டு அம்மனை வழிபட்டனா். இரவு 8 மணிக்கு மேல் காப்புக் கட்டி விரதமிருந்த பக்தா்கள், 1,000-க்கும் மேற்பட்டோா் கோயில் வளாகத்தில் அமைக்கப்பட்டிருந்த தீக்குண்டத்தில் இறங்கி, தீமிதித்து நோ்த்திக் கடன் செலுத்தி அம்மனை வழபிட்டனா்.

இரவு வாண வேடிக்கையுடன் உற்சவா் திரெளபதி அம்மன் வீதி உலா வந்து பக்தா்களுக்கு அருள்பாலித்தாா். திங்கள்கிழமை (மே 26) தா்மா் பட்டாபிஷேகத்துடன் அக்னி வசந்த விழா நிறைவு பெறுகிறது. விழா ஏற்பாடுகளை கோயில் நிா்வாகக் குழு தலைவா் மற்றும் உறுப்பினா்கள் செய்திருந்தனா்.