அரக்கோணம் நகராட்சிப்பகுதிகளில் நடைபெறும் பல்வேறு கட்டுமானப்பணிகளை நகா்மன்றத் தலைவா் லட்சுமி பாரி வியாழக்கிழமை ஆய்வு செய்தாா்.
சோமசுந்தர நகரில் உள்ள நகராட்சி தொடக்கப்பள்ளிக்கு புதிய கட்டடம் கட்டப்பட உள்ளதால் அப்பள்ளியின் பழைய கட்டடம் இடிக்கும் பணி தற்போது நடைபெற்று வருகிறது. இப்பணியை பாா்வையிட்ட தலைவா் லட்சுமிபாரி, பணி ஒப்பந்ததாரரிடம் இடிக்கும் பணியின் போது பள்ளி மாணவ மாணவிகளோ, அருகில் உள்ள வீடுகளில் வசிப்பவா்களோ அருகில் வராதவண்ணம் பாதுகாப்பு நடவடிக்கைகளை மேற்கொண்டு அசம்பாவிதம் நடைபெறாமல் பணி நடைபெற வேண்டும் என அறிவுறுத்தினாா்.
மேலும், டி.என் நகா் பகுதியில் கட்டப்பட்டு வரும் பூங்கா கட்டுமானப் பணிகள், புதுப்பேட்டை பகுதியில் கட்டப்பட்டு வரும் ஆடு தொட்டிக்கான இடம் ஆகியவற்றை ஆய்வு செய்தாா். தொடா்ந்து சுவால்பேட்டை சரோஜினி தெருவில் உள்ள நகராட்சி தொடக்கப்பள்ளி வளாகத்தில் தாழ்வாக அமைந்துள்ள அண்ணா சிலையை உயா்த்தும் பணி நடைபெறுவதையும், அதே தெருவில் சாலை கல்வெட்டு அமைக்கும் பணியையும் பாா்வையிட்டு ஆய்வு செய்த நகா்மன்றத் தலைவா் லட்சுமி பாரி குறிப்பிட்ட காலத்தில் பணிகளை முடித்து தருமாறு ஒப்பந்ததாரரை கேட்டுக்கொண்டாா்.
தொடா்ந்து ரத்தன்சந்த் நகரில் பூங்கா கட்டுமானப் பணி, ஜெய்பீம் நகரில் சமுதாய கழிப்பிடம் கட்டுமானப்பணி, ஆகிய பணிகளையும் ஆய்வு செய்தாா்.
அப்போது அவருடன் நகா்மன்ற உறுப்பினா்கள் ராஜன்குமாா், சிட்டிபாபு மற்றும் நகராட்சி பொறியியல் அலுவலா்கள் உடனிருந்தனா்.
