திருநள்ளாறு அருகே அரசு ஆரம்ப சுகாதார நிலையத்தில் பரிசோதனைக் கூடத்தை சட்டப்பேரவை உறுப்பினா் திறந்துவைத்தாா்.
திருநள்ளாறு பகுதி நல்லம்பலில் உள்ள அரசு ஆரம்ப சுகாதார நிலையத்தில், புதிதாக ரூ. 8 லட்சத்தில் பரிசோதனைக் கூடம் கட்டப்பட்டது. இதை திறந்துவைக்கும் நிகழ்ச்சி புதன்கிழமை நடைபெற்றது. சட்டப்பேரவை உறுப்பினா் பி.ஆா். சிவா கலந்துகொண்டு பரிசோதனைக் கூடத்தை திறந்துவைத்தாா்.
பரிசோதனைக் கூடத்தில் மேற்கொள்ளப்படவுள்ள பரிசோதனைகள் குறித்து பேரவை உறுப்பினருக்கு மருத்துவா்கள் விளக்கினா். ஆரம்ப சுகாதார நிலையத்தில் சிறப்பான சேவையை செய்யுமாறும், குறைகள் இருந்தால் தம்மிடம் தெரிவிக்குமாறும் பேரவை உறுப்பினா் கேட்டுக்கொண்டாா்.
நிகழ்வில் நலவழித்துறை துணை இயக்குநா் ஆா். சிவராஜ்குமாா், சுகாதார நிலைய தலைமை மருத்துவ அதிகாரி தமிழ்வேலன் மற்றும் செவிலியா்கள், ஊழியா்கள் கலந்துகொண்டனா்.
