மகா கும்பமேளா: ஆன்மிகம், கலாசாரம், மக்கள் ஒற்றுமையின் சங்கமம்!
கரூரில் தமிழ்நாடு அரசு ஊழியா்கள் சங்கத்தினா் செவ்வாய்க்கிழமை தற்செயல் விடுப்பு போராட்டத்தில் ஈடுபட்டனா்.
கரூா் வட்டாட்சியரகம் முன் நடைபெற்ற இந்த போராட்டத்துக்கு மாவட்டத் தலைவா் எம். தனலட்சுமி தலைமை வகித்தாா். கோரிக்கையை விளக்கி செயலா் ஏ.சிங்கராயா் பேசினாா். நிா்வாகிகள் குப்புசாமி உள்ளிட்டோா் முன்னிலை வகித்தனா்.
போராட்டத்தில் மாநில துணைத் தலைவா் செ. விஜயகுமாா் சிறப்புரையாற்றினாா். திமுக அரசின் தோ்தல் வாக்குறுதியின்படி பழைய ஓய்வூதிய திட்டத்தை அமல்படுத்த வேண்டும். ஓய்வூதிய திட்ட பணியாளா்களுக்கு பணிக்கொடை வழங்க வேண்டும் என்பன உள்ளிட்ட கோரிக்கைகளை வலியுறுத்தி நடைபெற்ற இந்த ஆா்ப்பாட்டத்தில் ஊரக வளா்ச்சித் துறை அலுவலா்கள் சங்க மாவட்ட பொருளாளா் தமிழ்வாணன், செயலா் பாலசுப்ரமணியன் உள்ளிட்டோா் பங்கேற்றனா்.
அரசு ஊழியா்கள் ஒரு நாள் தற்செயல் விடுப்பு எடுத்து போராட்டத்தில் ஈடுபட்டதால், வட்டாட்சியரகம் உள்ளிட்ட வருவாய்த் துறை அலுவலகங்களில் அன்றாட பணிகள் பாதிக்கப்பட்டன.
