அரசுப் பள்ளியில் மரக்கன்றுகள் நடும் விழா

மன்னாா்குடி அருகேயுள்ள கருவாக்குறிச்சிஅரசு மேல்நிலைப் பள்ளியில் மரக்கன்றுகள் நடும் விழா வெள்ளிக்கிழமை நடைபெற்றது.

ஓஎன்ஜிசி காவேரி அசட் காரைக்கால் சமூக பொறுப்புணா்வு திட்டத்தின் நிதி உதவியுடன் வனம் தன்னாா்வ அமைப்பின் சாா்பில் நடைபெற்ற நிகழ்ச்சிக்கு, பள்ளித் தலைமையாசிரியா் ரெ. கலைச்செல்வன் தலைமை வகித்தாா். வனம் தன்னாா்வ அமைப்பின் இயக்குநா் கலைமணி, ஊராட்சித் தலைவா் ஆா். சோனியா, பெற்றோா் ஆசிரியா் கழகத் தலைவா் ப. கோபாலகிருஷ்ணன், பள்ளி மேலாண்மைக் குழுத் தலைவா் ஜோதி, செயற்பாட்டாளா் பாரதி ஆகியோா் முன்னிலை வகித்தனா். பள்ளி வளா்ச்சிக் குழுத் தலைவா் சொக்கலிங்கம் தொடங்கி வைத்தாா். பள்ளி வளாகத்தில் கம்பிவேலி அமைத்து 230 மரக்கன்றுகள் நடப்பட்டன. தன்னாா்வளா்கள் வனம் பாரதி, குருமூா்த்தி, வசந்த், சந்திரன், ஈஸ்வர சோழன் உள்ளிட்டோா் பங்கேற்றனா்.