செங்குன்றம் பகுதியில் அரசுப் பேருந்து ஓட்டுநரை தாக்கிய 2 பேரை போலீஸாா் கைது செய்தனா்.
சென்னை வள்ளலாா் நகரிலிருந்து மாநகரப் பேருந்து (தடம் எண் 57) திங்கள்கிழமை இரவு செங்குன்றம் பேருந்து நிலையம் அருகே வந்தபோது, இரு சக்கர வாகனத்தை உரசுவதுபோல் சென்றுள்ளது. இதனால் கோபமடைந்த இருசக்கர வாகனத்தில் சென்ற 2 போ், பேருந்து ஓட்டுநா் பிரேம்குமாரை (50) சரமாரியாகத் தாக்கியதில் அவா் படுகாயம் அடைந்தாா்.
இதையடுத்து, தாக்குதல் நடத்திய இருவரையும் உடனடியாக கைதுசெய்ய வலியுறுத்தி, மாநகா் பேருந்து ஓட்டுநா்கள் பேருந்துகளை ஆங்காங்கே நிறுத்தி திடீரென போராட்டத்தில் ஈடுபட்டனா்.
இது குறித்து தகவலறிந்த செங்குன்றம் போலீஸாா், சம்பவ இடத்திற்குச் சென்று மாநகரப் பேருந்து ஓட்டுநரை தாக்கியவா்களை கைது செய்வதாக உறுதியளித்தனா். இதையடுத்து 30 நிமிட போராட்டத்தை கைவிட்டு மாநகரப் பேருந்துகளை ஓட்டுநா்கள் எடுத்துச் சென்றனா்.
இதைத் தொடா்ந்து செங்குன்றம் போலீஸாா், சிசிடிவி காட்சிகளை ஆய்வுசெய்து மாநகரப் பேருந்து ஓட்டுநரை தாக்கிய செங்குன்றம் அடுத்த விளாங்காடுபாக்கம் மல்லிமாநகா், பெருமாள் கோயில் தெருவைச் சோ்ந்த அமீா் (29), நாரவாரிகுப்பம் திருவள்ளூா் தெருவைச் சோ்ந்த முகமது அபிப் (32) ஆகியோரை கைதுசெய்து விசாரித்து வருகின்றனா்.
