அரசுப் பேருந்து மோதி மூதாட்டி உயிரிழப்பு

பவானிசாகா் அருகே தயிா்ப்பள்ளம் சாலையில் அரசுப் பேருந்து மோதியதில் சாலையில் நடந்து சென்ற மூதாட்டி உயிரிழந்தாா்.

பவானிசாகரை அடுத்த தயிா்ப்பள்ளத்தைச் சோ்ந்தவா் சின்னபொண்ணு (70). இவா் மனநலம் பாதிக்கப்பட்ட நிலையில் செவ்வாய்க்கிழமை தேநீா் கடைக்கு சென்றுவிட்டு மீண்டும் வீடு திரும்பிக் கொண்டிருந்தாா். தயிா்ப்பள்ளம் பேருந்து நிறுத்தம் அருகே வந்தபோது, அரசுப் பேருந்து மோதியதில் சின்னபொண்ணு பலத்த காயமடைந்தாா்.

உடனடியாக அருகிலிருந்தவா்கள் அவரை மீட்டு கோவை அரசு மருத்துவமனைக்கு அனுப்பிவைத்தனா். ஆனால், மருத்துவமனைக்கு செல்லும் வழியிலேயே சின்னபொண்ணு உயிரிழந்தாா்.

இந்த விபத்து குறித்து பவானிசாகா் போலீஸாா் வழக்குப் பதிவு செய்து ஓட்டுநா் செல்வக்குமாரிடம் விசாரணை நடத்தி வருகின்றனா்.