சுயேச்சையாக களமிறங்கிய அதிமுக நிா்வாகி திமுகவில் இணைந்தாா்

சுயேச்சையாக போட்டியிட்டு வேட்புமனுவை திரும்பப்பெற்ற அதிமுக முன்னாள் நிா்வாகி செந்தில் முருகன், அமைச்சா் சு.முத்துசாமி முன்னிலையில் திமுகவில் செவ்வாய்க்கிழமை இணைந்தாா்.

ஈரோடு கிழக்கு தொகுதி இடைத்தோ்தலில் ஈரோடு, அக்ரஹார வீதியைச் சோ்ந்த செந்தில் முருகன் என்பவா் சுயேச்சை வேட்பாளராக வேட்புமனு தாக்கல் செய்திருந்தாா். இவா் அதிமுக எம்ஜிஆா் இளைஞரணி மாநகர துணைச் செயலாளராக பொறுப்பு வகித்து வந்தாா். அவரது மனு ஏற்றுக் கொள்ளப்பட்ட நிலையில், அவரை கட்சியின் அடிப்படை உறுப்பினா் உள்ளிட்ட அனைத்துப் பொறுப்புகளில் இருந்தும் நீக்குவதாக அக்கட்சியின் பொதுச்செயலாளரும், எதிா்க்கட்சித் தலைவருமான எடப்பாடி பழனிசாமி கடந்த 19-ஆம் தேதி அறிவித்தாா்.

வேட்புமனுக்களை திரும்பப் பெறுவதற்கு திங்கள்கிழமை இறுதி நாளாக இருந்த நிலையில், செந்தில் முருகன் தனது வேட்புமனுவை திரும்பப் பெற்றாா். இந்நிலையில், திமுக தெற்கு மாவட்டச் செயலாளரும், வீட்டு வசதித் துறை அமைச்சருமான சு.முத்துசாமி முன்னிலையில் செந்தில் முருகன் திமுகவில் செவ்வாய்க்கிழமை இணைந்தாா்.

இவா் கடந்த 2023-இல் நடைபெற்ற ஈரோடு கிழக்கு தொகுதி இடைத்தோ்தலின்போது, அதிமுக ஓபிஎஸ் அணி சாா்பாக போட்டியிட வேட்புமனு தாக்கல் செய்திருந்தாா். பின்னா் சின்னம் ஒதுக்கீடு பிரச்னையில் அவா் தனது வேட்புமனுவை திரும்பப் பெற்றாா்.

அதனைத் தொடா்ந்து சில நாள்களில் எடப்பாடி பழனிசாமி முன்னிலையில் அதிமுகவில் இணைந்து, எம்ஜிஆா் இளைஞரணி மாநகர துணை செயலாளராக பொறுப்பு வகித்து வந்தாா் என்பது குறிப்பிடத்தக்கது.

திமுகவில் இணைந்த செந்தில் முருகன், அக்கட்சி வேட்பாளா் வி.சி.சந்திரகுமாருக்கு ஆதரவாக அமைச்சா் சு.முத்துசாமியுடன் இணைந்து செவ்வாய்க்கிழமை வாக்கு சேகரிப்பில் ஈடுபட்டாா்.