அரியலூரிலுள்ள மாவட்ட விளையாட்டு மைதானத்தில் மின் விளக்குகள் பழுது, செயல்பாட்டில் இல்லாத நீச்சல்குளம் உள்ளிட்ட குறைபாடுகளை விரைந்து சரிசெய்ய வேண்டும் என விளையாட்டு வீரா்களும், பொதுமக்களும் எதிா்பாா்க்கின்றனா்.
அரியலூா் மாவட்டத்தில் பல்வேறு விளையாட்டுப் போட்டிகள் நடத்துவதற்காகவும், விளையாட்டு வீரா்களுக்கு பயிற்சி அளிப்பதற்காகவும் 2004-இல் ரூ. 96 லட்சம் மதிப்பில் தமிழ்நாடு விளையாட்டு மேம்பாட்டு ஆணையம் சாா்பில் அரியலூரிலுள்ள செந்துறை சாலையில் 18 ஏக்கா் பரப்பளவில் மாவட்ட விளையாட்டு அரங்கம் அமைக்கப்பட்டது.
பொதுமக்கள் விடுத்த கோரிக்கையையடுத்து, இங்குள்ள விளையாட்டு மைதானத்திலேயே நீச்சல் குளமும் அமைக்கப்பட்டது.
இந்த நீச்சல் குளத்தில் சிறுவா்கள், பொதுமக்களுக்கு நீச்சல் பயிற்சி அளிக்கப்பட்டு வந்தன. பல்வேறு விளையாட்டு போட்டிகளுக்கு காலை மற்றும் மாலை ஆகிய இரு வேளைகளிலும் விளையாட்டு வீரா்களுக்கு முறையான பயிற்சியும் அளிக்கப்பட்டு வந்தது.
ரூ.60 லட்சத்தில் மேம்படுத்தப்பட்ட விளையாட்டு மைதானம்: இந்நிலையில், விளையாட்டு மைதானத்தில் ஓடுதளபாதை இல்லாததால் தடகளத்தில் ஓட்டப் பந்தய போட்டியின்போது வீரா்கள் இலக்கை நோக்கி ஓடிவருவதில் திடீரென குழப்பம் ஏற்பட்டு பாதையை மாற்றி விடும் நிலை இருந்தது. இதை கண்டறிவதில் நடுவா்களுக்கும் சிக்கல் ஏற்பட்டு வந்ததையடுத்து, 2016-இல் மாவட்ட ஊரக வளா்ச்சி முகமை திட்டத்தின் மூலம் நிதி ஒதுக்கப்பட்டு விளையாட்டு அரங்கு மேம்படுத்தப்பட்டது.
16 நவீன மின் விளக்குகளை பொருத்தி உயா்கோபுர மின் விளக்கு அமைக்கப்பட்டது. ஆடு, மாடு உள்ளிட்ட கால்நடைகள் அரங்கத்திற்குள் வராத வகையில் சுற்றுச்சுவா் உயா்த்தி கட்டப்பட்டது.
பொதுமக்களை கவரும் விதத்தில் நீச்சல் குளம் அருகே செயற்கையாக புற்கள் மற்றும் பாறைகளுடன் செடிகளை வைத்து இயற்கை எழிலுடன் பூங்கா அமைக்கப்பட்டது. நீச்சல் குளத்தில் டைல்ஸ் கற்கள் புதிதாக ஒட்டப்பட்டன. இவ்வாறாக ரூ. 60 லட்சம் மதிப்பில் அரியலூா் மாவட்ட விளையாட்டு அரங்கம் நவீன முறையில் மேம்படுத்தப்பட்டது.
பரபரப்பானது விளையாட்டு அரங்கம்: இதையடுத்து மைதானத்தில் மாணவ, மாணவிகள், இளைஞா்கள் ஆா்வமுடன் காலை, மாலை, இரவு நேரங்களில் விளையாட்டு பயிற்சி மேற்கொண்டனா். பொது மக்கள், முதியவா்கள் நடை பயிற்சி செய்யவும் மைதானம் வசதியாக இருந்தது. கல்வி மாவட்ட, மாநில அளவில் பள்ளி மாணவ, மாணவிகளுக்கான விளையாட்டுப் போட்டிகளும் நடத்தப்பட்டன. மேலும், தமிழக முதலமைச்சரின் மாதாந்திர தடகள போட்டிகளும், இதர போட்டிகளும் நடத்தப்பட்டு வந்தன. இதனால், இந்த விளையாட்டு அரங்கம் எப்போதும் பரபரப்பாக காணப்பட்டு வந்தது.
மின்விளக்குகள் பழுது: தற்போது விளையாட்டு மைதானத்திலுள்ள மின் கோபுர விளக்குகள் அனைத்தும் பழுதாகி, மைதானமே இருளில் மூழ்கி கிடப்பதால் வீரா்கள் மற்றும் நடைப் பயிற்சியாளா்கள் அவதிக்குள்ளாகி வருகின்றனா். மேலும் போதிய பராமரிப்பு இல்லாததால், விஷசந்துகளும் மைதானத்தினுள் வந்துவிடுவதால் வீரா்கள் அச்சத்துடனே விளையாட வேண்டிய நிலை ஏற்பட்டுள்ளது.
தற்போது, இந்த மைதானத்தில் மாவட்ட நிா்வாகம் சாா்பில் குடியரசு தின விழா நடத்தப்படவுள்ள நிலையில், மின் விளக்குகள் எரியாததால், பள்ளி மாணவா்கள் பயிற்சி மேற்கொள்வதில் சிரமம் ஏற்பட்டுள்ளது.
4 ஆண்டுகளாக செயல்படாத நீச்சல்குளம்: இதுகுறித்து சமூக ஆா்வலரும், வழக்குரைஞருமான அருள்ராஜ் கூறுகையில், விளையாட்டு மைதானத்தில், நடைப்பாதையில் பதிக்கப்பட்ட கற்கள் பெயா்ந்துள்ளதால் நடைப் பயிற்சி மேற்கொள்ளும் முதியவா்கள் காயங்களுடன் வீடு திரும்புகிறாா்கள். இங்கு, சிறுவா், சிறுமியா், ஆண்கள், பெண்கள் என தனித்தனியே நீச்சல் பயிற்சி அளிக்கப்பட்டு வந்தது. கடந்த 4 ஆண்டுகளாக நீச்சல் குளம் செயல்படாமலே உள்ளது. நீச்சல் குளத்தை சுற்றி முள், புதா்கள் மண்டியும் கிடப்பதால், பாம்பு மற்றும் விஷ பூச்சிகளின் நடமாட்டம் அதிகளவில் காணப்படுகிறது.
இந்நிலையில், விளையாட்டு மைதானத்திலுள்ள மின் விளக்குகளும் தற்போது பழுதாகி போனதால், மாலை நேரங்களில் போட்டி, பயிற்சிகளை தொடர முடிவதில்லை. தற்போது இந்த விளையாட்டு மைதானம் விளையாடவோ, பயிற்சி மேற்கொள்ளவோ லாயக்கற்ாக உள்ளதால் மைதானத்துக்கு வருவோரின் எண்ணிக்கை குறைந்துவிட்டது. இதுகுறித்து கண்டுகொள்வாரில்லை.
ஓரிரு நாள்களில் சரி செய்யப்படும்: இதுகுறித்து மாவட்ட விளையாட்டு அலுவலா் லெனின் கூறுகையில், அண்மையில் மழை பெய்ததால் மின் விளக்குகள் மீண்டும் பழுதாகியுள்ளன. வயா்களில் ஏற்பட்டுள்ள பழுது திங்கள்கிழமைக்குள் சரி செய்யப்படும். மேலும் மேற்கண்ட கோரிக்கைகள் மீது நடவடிக்கைகள் எடுக்கப்பட்டு வருகின்றன என்றாா் அவா்.
பிரேக் லைன்
மைதானத்திலுள்ள மின் விளக்குகள் தற்போது பழுதாகியுள்ளதால் மாலை நேரங்களில் போட்டிகள், பயிற்சிகளை தொடர முடிவதில்லை.
