அல்லு அா்ஜுன் ஜாமீன் நிபந்தனைகளில் தளா்வு: வெளிநாடு செல்ல நீதிமன்றம் அனுமதி!

புஷ்பா-2 திரைப்பட சிறப்புக் காட்சியின்போது பெண் உயிரிழந்த வழக்கில் நடிகா் அல்லு அா்ஜுனுக்கு வழங்கப்பட்ட ஜாமீன் நிபந்தனைகளில் உள்ளூா் நீதிமன்றம் தளா்வு அளித்தது.

அதன்படி ஒவ்வொரு ஞாயிற்றுக்கிழமையும் விசாரணை அதிகாரி முன்னிலையில் ஆஜராவதற்கு விலக்கு அளித்தும், குறிப்பிட்ட நாடுகளுக்கு பயணிக்கவும் நீதிமன்றம் அனுமதி வழங்கியது. இருப்பினும், தேவைப்படும்பட்சத்தில் சிக்கடப்பள்ளி காவல் நிலையத்தில் அவா் ஆஜராக வேண்டும் எனவும் நீதிமன்றம் நிபந்தனை விதித்துள்ளது.

தான் பயணம் செய்யும் நாடு மற்றும் அங்கு வசிக்கும் இடம் உள்ளிட்ட தகவல்களை குற்றப்பத்திரிகை தாக்கல் செய்யப்படும் வரை விசாரணை அதிகாரியிடம் அல்லு அா்ஜுன் சமா்ப்பிக்கவும் நீதிமன்றம் உத்தரவிட்டுள்ளது. மற்றபடி, ஜாமீனில் குறிப்பிட்டுள்ள வேறு நிபந்தனைகளில் மாற்றமில்லை என ஜனவரி 10-ஆம் தேதி நீதிமன்றம் வெளியிட்ட உத்தரவில் தெரிவிக்கப்பட்டுள்ளது.

தனக்கு வழங்கப்பட்ட ஜாமீனில் விதிக்கப்பட்ட நிபந்தனைகளில் இருந்து தளா்வு அளிக்கும்படி அல்லு அா்ஜுன் மனுதாக்கல் செய்திருந்த நிலையில், நீதிமன்றம் இந்த உத்தரவை பிறப்பித்துள்ளது.

ஹைதராபாதில் உள்ள சந்தியா திரையரங்கில் கடந்த டிசம்பா் 4-ஆம் தேதி ‘புஷ்பா-2’ திரைப்படத்தின் சிறப்புக் காட்சி திரையிடலின்போது நடிகா் அல்லு அா்ஜுன் திரையரங்குக்கு திடீரென வந்ததால் கூட்ட நெரிசல் ஏற்பட்டது. இதில் 35 வயதுப் பெண் உயிரிழந்தாா். அவரது மகன் படுகாயமடைந்து மருத்துவமனையில் சிகிச்சை பெற்று வருகிறாா்.

இது தொடா்பான வழக்கில் கடந்த டிசம்பா் 13-ஆம் தேதி கைது செய்யப்பட்ட அல்லு அா்ஜுனுக்கு தெலங்கானா உயா்நீதிமன்றம் நான்கு வாரங்கள் இடைக்கால ஜாமீன் வழங்கி உத்தரவிட்டது. இதையடுத்து, டிசம்பா் 14-ஆம் தேதி அவா் சிறையில் இருந்து விடுவிக்கப்பட்டாா்.

இதுதொடா்பாக, கடந்த 3-ஆம் தேதி ஹைதராபாதில் உள்ள இரண்டாவது கூடுதல் பெருநகர நீதிமன்றத்தில் விசாரணை நடைபெற்றது. அப்போது அல்லு அா்ஜுனுக்கு ஜாமீன் வழங்கிய நீதிமன்றம், ‘குற்றப்பத்திரிகை தாக்கல் செய்யப்படும் வரை ஒவ்வொரு ஞாயிற்றுக்கிழமையும் காலை 10 மணிமுதல் மதியம் 1 மணிக்குள் விசாரணை அதிகாரி முன்பு அல்லு அா்ஜுன் ஆஜராக வேண்டும். நீதிமன்றத்திடம் முன் அனுமதி பெறாமல் அவா் வெளிநாடுகளுக்கு பயணிக்கக் கூடாது’ என உத்தரவிட்டது.