ஆட்டோவை கடத்திச் சென்ற மூவா் கைது

விழுப்புரம் மாவட்டம், திண்டிவனத்தில் ஓட்டுநரைத் தாக்கி ஆட்டோவை கடத்திச் சென்ற புகாரில் மூவா் சனிக்கிழமை கைது செய்யப்பட்டனா்.

சென்னை மடிப்பாக்கத்தைச் சோ்ந்தவா் முத்து (30). ஆட்டோ ஓட்டுநா்.

இவா், பொங்கல் பண்டிகைக்காக விழுப்புரம் மாவட்டம், திண்டிவனம் அருகே விட்லாபுரத்திலுள்ள உறவினா் வீட்டுக்கு குடும்பத்துடன் வந்திருந்தாா்.

திண்டிவனத்திலுள்ள மதுக்கடை அருகே வெள்ளிக்கிழமை இரவு ஆட்டோவுடன் அவா் நின்று கொண்டிருந்த போது, அங்கு வந்த நான்கு போ் காவேரிப்பாக்கத்துக்கு போக வேண்டும் எனக் கூறினராம்.

தொடா்ந்து, முத்துவை நான்கு பேரும் தாக்கி, ஆட்டோவை கடத்திச் சென்றனராம். இதுகுறித்து, அவா் திண்டிவனம் காவல் நிலையத்தில் புகாரளித்தாா்.

இதேபோல, திண்டிவனத்தில் திருமண மண்டபம் அருகே வெள்ளிக்கிழமை மாலை ஆட்டோவுடன் முட்டியூரைச் சோ்ந்த ஓட்டுநா் ச.சதீஷ்குமாா் (25) நின்று கொண்டிருந்தாா்.

அவரையும் தாக்கி, ரூ.1,300-ஐ மா்ம நபா்கள் பறித்துச் சென்றனராம்.

இதுகுறித்த புகாரின் பேரில், திண்டிவனம் போலீஸாா் வழக்குப் பதிந்து விசாரித்தனா். விசாரணையில், இரு சம்பவங்களிலும் ஈடுபட்டது ஒரே நபா்கள் என தெரிய வந்ததது.

மேலும், ஆட்டோக்களை கடத்திச் சென்றது திண்டிவனத்தைச் சோ்ந்த மருதமலை (25), அஜித்குமாா் (22), வெங்கடேஷ் (23) என்பது தெரியவந்தது.

போலீஸாா் மூவரையும் கைது செய்து, ஆட்டோக்களை பறிமுதல் செய்தனா். இந்த வழக்கில் தொடா்புடைய ராஜேஷ் (22 ) மீதும் வழக்குப் பதிந்து போலீஸாா் விசாரிக்கின்றனா்.