கோவை ஈஷா யோக மையத்தில் நடைபெற்ற நிகழ்ச்சியில் ஆதியோகி ரத யாத்திரையை தருமபுரம் ஆதீன மடத்தின் 27-ஆவது குருமகாசந்நிதானம் ஸ்ரீலஸ்ரீ மாசிலாமணி தேசிக ஞானசம்பந்த பரமாச்சாரிய சுவாமிகள் தொடங்கிவைத்தாா்.
இது குறித்து ஈஷா யோக மையம் கூறியிருப்பதாவது:
ஈஷா யோக மையத்துக்கு 2 நாள் பயணமாக தருமபுரம் ஆதீனம் வருகை தந்தாா். தியானலிங்கம் முன்பு அவருக்கு பூரண கும்ப மரியாதை அளிக்கப்பட்டது. ஈஷா சம்ஸ்கிரிதி மாணவா்களின் தேவாரப் பாடல்களை அவா் ஆா்வத்துடன் கேட்டு ரசித்தாா். தியானலிங்கத்தில் நடைபெற்ற நாத ஆராதனையில் பங்கேற்ற அவா், குண்டம், நாகா சந்நிதி, லிங்கபைரவி சந்நிதி ஆகிய இடங்களில் தரிசனம் செய்தாா். பின்னா் ஆதியோகி திவ்ய தரிசனம், ஈஷா சம்ஸ்கிரிதி பள்ளி, கோசாலை ஆகிய இடங்களைப் பாா்வையிட்டாா்.
ஈஷாவில் நடைபெற்ற நிகழ்ச்சியில் அவா் பேசும்போது, சைவ சித்தாந்த மரபில் சொல்லப்படும் சரியை, கிரியை, யோகம், ஞானம் ஆகியவற்றில் அற்புதமான கலையான யோகாவை சத்குரு ஜக்கி வாசுதேவ் உலகம் முழுவதும் பயிற்சிவித்து வருவது பாராட்டுக்குரியது. அதேபோல மரம் வளா்க்கும் சேவையிலும் ஈஷா ஈடுபட்டிருப்பது வரவேற்புக்குரியது. தருமை ஆதீனத்தின் மணி விழாவை முன்னிட்டு ஈஷா யோக மையம், ரோட்டரி சங்கத்துடன் இணைந்து 60 ஆயிரம் மரக்கன்றுகள் நடப்பட உள்ளன. யோகம், கல்வி, மரம் வளா்ப்பு, நாட்டு மாடு வளா்ப்பு என பல்வேறு சேவைகளில் ஈடுபட்டு வரும் ஈஷாவின் பணிகளை வாழ்த்துவதாகத் தெரிவித்தாா்.
முன்னதாக மகா சிவராத்திரியை முன்னிட்டு தமிழ்நாடு முழுவதும் பயணிக்கும் ஆதியோகி ரத யாத்திரையை ஆரத்தி காட்டி வழிபாடு நடத்தி அவா் தொடங்கிவைத்தாா்.
