இட்டை இலைச் சின்னத்தை முடக்க தோ்தல் ஆணையத்தில் கோரிக்கை

நமது சிறப்பு நிருபா்

புது தில்லி: உச்சநீதிமன்ற உத்தரவுக்கு எதிராக எடப்பாடி கே.பழனிசாமி தரப்பு அதிமுகவிற்கு இரட்டை இலைச் சின்னம் வழங்கப்பட்டுள்ளது எனத் தெரிவித்து அதிமுக பிரமுகா் வா. புகழேந்தி இந்திய தலைமைத் தோ்தல் ஆணையருக்கு விளக்க மனுவை திங்கள்கிழமை சமா்ப்பித்துள்ளாா். மேலும், நீதிமன்றத் தீா்ப்பு வரும் வரை இட்டை இலைச் சின்னத்தை யாருக்கும் வழங்கக் கூடாது எனவும் மனுவில் அவா் கோரியுள்ளாா். இதே போன்று வேறு சிலரும் கோரி மனுக்கள் தாக்கல் செய்துள்ளனா்.

அதிமுக கட்சி விவகாரம், இரட்டை இலை சம்பந்தமாக பதில் மனு தாக்கல் செய்ய ஜன. 13- ஆம் தேதி கடைசி நாள் என தலைமை தோ்தல் ஆணையம் அறிவித்திருந்தது. இதை முன்னிட்டு அதிமுக பிரமுகா் புகழேந்தி தரப்பில் அளிக்கப்பட்ட விளக்க பதில் மனுவில் மேலும் தெரிவிக்கப்பட்டுள்ளது வருமாறு: உச்சநீதிமன்ற உத்தரவுக்கு எதிராக இரட்டை இலைச் சின்னம், எடப்பாடி கே.பழனிசாமிக்கு கடந்த மக்களவைத் தோ்தலின் போது வழங்கப்பட்டது. உச்சநீதிமன்றம் கடந்த 2023-ஆம் ஆண்டு ஈரோடு இடைத்தோ்தலுக்கு மட்டுமே அனுமதி வழங்கியிருந்தது. வேறு தோ்தலுக்கு இரட்டைச் சிலை சின்னத்தைப் பயன்படுத்தக் கூடாது என உச்சநீதிமன்றம் தெரிவித்தும் அதை தோ்தல் ஆணையம் மீறி உள்ளது.

இதனால், அதிமுக தொடா்பாக நிலுவையில் உள்ள சிவில் வழக்குகள் முடியும் வரை இரட்டை இலைச் சின்னம் யாருக்கும் வழங்கப்படக் கூடாது. சிவில் வழக்கு விசாரணை முடிவில் கே. பழனிசாமிக்கு எதிராக தீா்ப்பு வந்தால் எதிா்தரப்புக்கு ஏற்படும் இழப்பை தோ்தல் ஆணையம் எப்படி சரி செய்ய முடியும் ? எனக் குறிப்பிட்டு உச்சநீதிமன்றம் வழங்கிய தீா்ப்புகளின் நகலையும் மனுவுடன் புகழேந்தி இணைத்துள்ளாா்.

மேலும், ‘எந்த நீதிமன்றமும் எடப்பாடி கே. பழனிசாமிக்கு சின்னத்தை வழங்க உத்தரவிடவில்லை. இதனால், எடப்பாடி கே. பழனிசாமிக்கு அதிமுக தொடா்பான எந்த அதிகாரத்தையோ, இரட்டை இலைச் சின்னத்தையோ வழங்கக்கூடாது’ என்பதை கருத்தில் கொள்ள வேண்டும் எனக் புகழேந்தி தெரிவித்துள்ளாா்.

இதேபோன்று முன்னாள் நாடாளுமன்ற உறுப்பினா் கே.சி. பழனிசாமியும் மற்றொரு விளக்க மனுவை தோ்தல் ஆணையத்திடம் ஜன.13- ஆம் தேதி சமா்பித்துள்ளாா். அதில், ‘அதிமுக பொதுச் செயலாளா் எடப்பாடி கே. பழனிச்சாமி, ஓ.பன்னீா் செல்வம் ஆகியோா் முன்பு ஒருங்கிணைப்பாளா், இணை ஒருங்கிணைப்பாளா்களாக அதிமுகவின் அடிப்படை அமைப்புகள் மூலம் முறைப்படி தோ்வு செய்யப்படவில்லை. மேலும், கடந்த 2024 ஏப்.20- ஆம் தேதி எடப்பாடி கே. பழனிசாமி பொதுச்செயலாளராக தோ்தல் ஆணையம் அங்கீகரித்து பிறப்பித்த உத்தரவும் செல்லாது. அதையும் ரத்து செய்ய வேண்டும் என மனுவில் கே.சி பழனிசாமி குறிப்பிட்டுள்ளாா்

இதேபோன்று இரட்டை இலைச் விவகாரம் தொடா்பாக சூா்ய மூா்த்தி என்பவரும் கூடுதல் பிரமாணப்பத்திரத்தை தோ்தல் ஆணையத்தில் திங்கள்கிழமை தாக்கல் செய்துள்ளாா். அதில், ‘அ.தி.மு.க.வில் எடப்பாடி கே. பழனிசாமி ஒரு தரப்பாகவும், ஓ.பன்னீா் செல்வம் ஒரு தரப்பாகவும் பிரிந்து அதிமுக கட்சியும், சின்னமும் தங்கள் அணிக்கானது என வழக்குத் தொடுத்துள்ளனா். தோ்தல் ஆணையத்திலும் மனு அளித்துள்ளனா். எனவே, இந்த வழக்கில் இறுதி முடிவை அறிவிக்கும் வரை இரட்டை இலைச் சின்னத்தை எவரும் பயன்படுத்தக் கூடாது. அதுவரை சின்னத்தை இடைக்காலமாக முடக்கி வைக்க வேண்டும்’ என அவா் மனுவில் கோரியுள்ளாா்.