சிதம்பரம்: சிதம்பரத்தில் கல்லூரியில் படிக்கும் இரு மாணவிகளுக்கு இன்ஸ்டாகிராம் மூலம் ஆபாச குறுந்தகவல் அனுப்பியதாக தனியாா் நிறுவன ஊழியரை போலீஸாா் கைது செய்தனா்.
இந்த சம்பவம் தொடா்பா அண்ணாமலைநகா் காவல் நிலையத்தில் அந்த மாணவிகள் புகாா் அளித்தனா். அதன்பேரில், ஆய்வாளா் கே.அம்பேத்கா் தலைமையிலான போலீஸாா் விசாரணை நடத்தி வந்தனா். இதில் சிதம்பரம் அருகே உள்ள சாலியன்தோப்பைச் சோ்ந்த நக்கீரன் (25) இந்தச் செயலில் ஈடுபட்டது தெரிய வந்தது.
பொறியியல் பட்டதாரியான இவா் தற்போது கோவையில் ஒரு தனியாா் நிறுவனத்தில் பணியாற்றி வருகிறாா். பள்ளிப் படிப்பிலிருந்து தன்னுடன் தோழியாக பேசி வந்த மாணவி தன்னுடன் இனி பேச வேண்டாம் என்று கூறியதால், கோபமடைந்த அவா் தனது தோழியையும், அவரின் தோழியையும் கலங்கப்படுத்த இன்ஸ்டாகிராமில் ஆபாசமான தகவல்களை பரப்பியது போலீஸாரின் விசாரணையில் தெரிய வந்தது. இதுதொடா்பாக போலீஸாா் வழக்குப் பதிந்து நக்கீரனை கைது செய்தனா்.
