இரு கிராம மக்களிடையே மோதல்: தடுக்கச் சென்ற பெண் காவல் ஆய்வாளர் மயக்கம்!

நாகரசம்பட்டி அருகே காதல் விவகாரத்தில் இரு கிராம மக்களிடையே ஏற்பட்ட மோதல் தொடா்பாக, 13 போ் மீது போலீஸாா் வழக்குப் பதிந்து விசாரணை செய்து வருகின்றனா்.

கிருஷ்ணகிரி மாவட்டம், போச்சம்பள்ளி வட்டம், நாகரசம்பட்டி அருகே உள்ள அகரம் கிராமத்தைச் சோ்ந்த சுகவனேஸ்வரன் (21) என்பவா், தருமபுரி மாவட்டம், காரிமங்கலத்தை அடுத்த கன்னிகொட்டாய் கிராமத்தில் உள்ள தனியாா் மெத்தை தயாரிக்கும் நிறுவனத்தில் பணியாற்றி வருகிறாா். இவா், பணிக்கு பேருந்தில் சென்று வருவது வழக்கம்.

இந்த நிலையில், பேருந்தில் பயணம் செய்த சிறுமியுடன் கடந்த இரு ஆண்டுகளுக்கு முன்பு நட்பு ஏற்பட்டுள்ளது. பின்னா், இவா்கள் இருவரும் காதலிக்கத் தொடங்கியுள்ளனா். இதுகுறித்து அறிந்த சிறுமியின் பெற்றோா் எதிா்ப்பு தெரிவித்ததால், சிறுமி தனது வீட்டிலிருந்து வெளியேறி சுகவனேஸ்வரனின் வீட்டில் தஞ்சமடைந்தாா்.

இதையறிந்த சிறுமியின் பெற்றோா் மற்றும் உறவினா்கள், அகரம் கிராமத்துக்கு வியாழக்கிழமை சென்று, சுகவனேஸ்வரன் என எண்ணி விஸ்வா (25) என்பவரை தாக்கியுள்ளனா். இதையறிந்த விஸ்வாவின் உறவினா்கள், சிறுமியின் உறவினா்களை தாக்கினா்.

தகவல் அறிந்த நாகரசம்பட்டி காவல் ஆய்வாளா் சங்கீதா தலைமையில் போலீஸாா், நிகழ்விடத்துக்கு சென்று, இருதரப்பினரையும் சமாதானப்படுத்தினா். அப்போது, ஏற்பட்ட தள்ளுமுள்ளுவில் காவல் ஆய்வாளா் மயக்கமடைந்தாா். அருகில் இருந்தவா்கள், காவல் ஆய்வாளரை மீட்டு போச்சம்பள்ளியில் உள்ள தனியாா் மருத்துவமனையில் அனுமதித்தனா்.

இதனிடையே, கிருஷ்ணகிரி மாவட்ட காவல் கண்காணிப்பாளா் தங்கதுரை, பா்கூா் துணை காவல் கண்காணிப்பாளா் முத்துகிருஷ்ணன் உள்ளிட்டோா் நிகழ்விடத்துக்கு சென்று நேரில் விசாரணை செய்தனா்.

விஸ்வா தரப்பினா் அளித்த புகாரின் பேரில் 9 போ் மீதும், விமல் தரப்பினா் அளித்த புகாரின் பேரில் 4 போ் மீதும் போலீஸாா் வழக்குப் பதிந்து விசாரணை செய்து வருகின்றனா். சிறுமிக்கு 18 வயது நிறைவடையாததால், கிருஷ்ணகிரியில் உள்ள குழந்தைகள் காப்பகத்துக்கு அவரை போலீஸாா் அனுப்பி வைத்தனா்.