திருத்தணி: திருத்தணி முருகன் கோயிலில் நிறுத்தி வைக்கப்பட்டிருந்த இருசக்க வாகனத்தை திருடி சென்ற மா்ம நபா்களை போலீஸாா் தேடி வருகின்றனா்.
திருத்தணி முருகன் மலைக்கோயிலுக்கு தினமும் ஆயிரக்கணக்கான பக்தா்கள் வந்து தரிசித்து செல்கின்றனா். கடந்த சில மாதங்களாக மலைக்கோயிலில் நிறுத்தப்படும் இரு சக்கர வாகனங்களை மா்ம நபா்கள் திருடிச் செல்கின்றனா்.
வாகனங்களை திருடிச் செல்வது சிசிடிவி கேமராவில் பதிவாகி வரும் நிலையிலும், கடந்த ஒன்றரை மாதத்தில் மலைக் கோயிலில் மட்டும், 10 க்கும் மேற்பட்ட இரு சக்கர வாகனங்கள் திருடப்பட்டுள்ளன.
இந்நிலையில் திங்கள்கிழமை அரக்கோணம் அடுத்த பெருமூச்சி கிராமத்தைச் சோ்ந்த நிதிஷ்(24) என்பவா் தனது இரு சக்கர வாகனத்தில் திருத்தணி முருகன் மலைக்கோயிலுக்கு வந்தாா். பின்னா் வாகனத்தை நிறுத்திவிட்டு, மூலவரை தரிசிக்க சென்றாா். பிறகு நிதிஷ் திரும்பி வந்து பாா்த்த போது இருசக்கர வாகனம் மா்ம நபா்களால் திருடப்பட்டது தெரிய வந்தது. இது குறித்து திருத்தணி போலீஸாா் வழக்குப் பதிவு செய்து விசாரித்து வருகின்றனா்.
