இளம் பெண் தாக்கியதில் காயமடைந்த மூதாட்டி உயிரிழப்பு

கும்மிடிப்பூண்டி அருகே மூதாட்டியை தாக்கி நகை, பணத்தை இளம்பெண் கொள்ளையடித்துச் சென்ற வழக்கில் காயமடைந்த மூதாட்டி வெள்ளிக்கிழமை உயிரிழந்தாா்.

கும்மிடிப்பூண்டி அடுத்த புதுகும்மிடிப்பூண்டியைச் சோ்ந்தவா் ராஜேஷ்வரி (87). வீட்டில் தனியாக வசித்து வந்த இவரை, கடந்த 11-ஆம் தேதி மா்ம நபா் தாக்கி 20 பவுன் நகை, ரூ. 1 லட்சத்து 80 ஆயிரம் கொள்ளை அடித்துச் சென்றாா்.

இது தொடா்பாக போலீஸாரின் விசாரணையில், மூதாட்டியை தாக்கி கொள்ளையடித்ததாக அவரது எதிா்வீட்டைச் சோ்ந்த சுப்ரியாவை (20) கும்மிடிப்பூண்டி சிப்காட் போலீஸாா் கைது செய்தனா்.

இந்த நிலையில், பலத்த காயத்துடன் சென்னையில் தனியாா் மருத்துவமனையில் சிகிச்சை பெற்று வந்த ராஜேஷ்வரி வெள்ளிக்கிழமை உயிரிழந்தாா்.

இதைத் தொடா்ந்து கொலை வழக்காக மாற்றப்பட்டு விசாரணை நடைபெற்று வருகிறது.