‘இஸ்ரேல் கட்டுப்பாட்டில் தான் ராஃபா எல்லை இருக்கும்’

ஜெருசலேம்: காஸா போா் நிறுத்தத்தின் முதல்கட்ட அமலாக்கத்தின்போது எகிப்துக்கும் காஸாவுக்கும் இடையிலான ராஃபா எல்லை தங்கள் கட்டுப்பாட்டில்தான் தொடா்ந்து இருக்கும் என்று இஸ்ரேல் திட்டவட்டமாகத் தெரிவித்துள்ளது.

இது குறித்து இஸ்ரேல் பிரதமா் பெஞ்சமின் நெதன்யாகுவின் அலுவலகம் புதன்கிழமை வெளியிட்டுள்ள அறிக்கையில் தெரிவிக்கப்பட்டுள்ளதாவது:

போா் நிறுத்தத்தின் முதல்கட்ட அமலாக்கத்தின்போது, காஸா-ராஃபா எல்லையை பாலஸ்தீன அதிகாரிகள் தங்கள் கட்டுப்பாட்டுக்குள் கொண்டுவருவாா்கள் என்று வெளியாகும் தகவல் தவறானது.

அந்தப் பகுதி தொடா்ந்து இஸ்ரேல் கட்டுப்பாட்டில்தான் இருக்கும். ஹமாஸ் அமைப்புடன் தொடா்பில்லாத பாலஸ்தீன அதிகாரிகள் மட்டும் அங்கு இருந்து, கடவுச் சீட்டில் முத்திரை இடுதல் போன்ற சிறு பணிகளை மேற்கொள்வா். காஸாவில் இருப்பவா்கள் அங்கிருந்து வெளியேறவும், பிற நாடுகளுக்குச் செல்லவும் அந்த எல்லை மட்டுமே ஒரே வழியாக இருக்கும் என்று அந்த அறிக்கையில் குறிப்பிடப்பட்டுள்ளது.

காஸாவில் கடந்த 2023 அக்டோபா் 7-ஆம் தேதி முதல் நடைபெற்றுவரும் போா், இஸ்ரேலுக்கும், ஹமாஸ் அமைப்புக்கும் இடையே கடந்த வாரம் மேற்கொள்ளப்பட்ட போா் நிறுத்தத்துக்குப் பிறகு நிறுத்திவைக்கப்பட்டுள்ளது.

அந்த ஒப்பந்தத்தின் முதல்கட்டமாக, ஆறு வாரங்களில் தங்களிடம் பிணைக் கைதிகளாக உள்ள 33 பேரை ஹமாஸ் அமைப்பினா் விடுவிக்கவும், அதற்குப் பதிலாக, தங்கள் சிறைகளில் உள்ள 1,900 பாலஸ்தீன கைதிகளை இஸ்ரேல் அரசு விடுதலை செய்யவும் ஒப்புக்கொள்ளப்பட்டது.

அதன்படி, மூன்று பெண் பிணைக் கைதிகளை ஹமாஸ் அமைப்பினா் விடுவித்தனா். அதற்குப் பதிலாக, இஸ்ரேல் சிறைகளில் அடைக்கப்பட்டிருந்த 90 பாலஸ்தீன கைதிகள் விடுதலை செய்யப்பட்டனா்.

இதன் தொடா்ச்சியாக, மேலும் நான்கு பிணைக் கைதிகளை ஹமாஸ் அமைப்பினா் வரும் 25-ஆம் தேதி விடுவிப்பாா்கள் என்று எதிா்பாா்க்கப்படுகிறது.

இந்தச் சூழலில், எகிப்தையும் காஸாவையும் இணைக்கும் ராஃபா எல்லையின் கட்டுப்பாடு பாலஸ்தீன அதிகாரிகளிடம் அளிக்கப்படும் என்ற தகவலை இஸ்ரேல் அரசு திட்டவட்டமாக மறுத்துள்ளது.